آئی پی ایل2023: چنئی سپر کنگز ءَ سن رائزرز ءِ دیم ءَ ھپت وکٹاں گوازی کٹ اِتگ

انڈین پریمئیر لیگ ءِ بیست ءُ نھمی گوازی ماں چنئی ءَ چنئی سپر کنگز ءُ سن رائزرز حیدرآباد ءِ میان ءَ کنگ بوتگ اے گوازی چنئی ءَ ھپت وکٹاں کٹ اِتگ-

ٹاس ءِ نہ کٹگ ءَ پد اولسر ءَ بیٹنگ کنان ءَایس آر ایچ ءِ ٹیم ءَ بیست اوورانی تہ ءَ یکسد ءُ سِی ءُ چار رن ءِ ٹارگٹ ایر کُتگ، کہ سی ایس کے ءَ سَے وکٹانی تاوان ءَ ٹارگٹ پروشتگ ءُ آئی ءِ گور ءَ دگہ ھپت بال بچ اِتگ بوتگ –

سی ایس کے ءِ ڈیون کانوے بندات کنان ءَ ہنچ ھپت بالانی گوازی کتگ کہ اے میان ءَ آئی ءَ دوازدہ چوکا ءُ یک چکے ءِ جتگ ءُ ھپتاد ءُ ھپت رن جوڈ کتگ انت ءُ ناٹ آؤٹ بوتگ – کانوے ءَ ابید گائیکواڑ ھم جوانیں گوازی پیش داشتگ کہ آئی ءَ سِی بالانی تہ ءَ دو چوکا جتگ ءُ سِی ءُ پنچ رن جوڈ کتگ –

چدوپیسر ءَ ایس آر ایچ ءَ ٹاس نہ کٹ اِتگ ءُ اولسر ءَ بیٹنگ کتگ، ایس ار ایچ ءِ ھاتر ءَ درساں گیش ابھیشیک شرما رن جوڈ کتگ کہ آئی ءَ بیست ءُ شش بالاں سَے چوکا ءُ یک چکائے جتگ ءُ سِی ءُ چار رن جوڈ کتگ – شرما ءَ ابید راہل ترپاٹھی ءَ بیست ءُ یک بالاں بیست ءُ یک رن جوڈ کتگ ءُ ہیری ءَ سینزدہ بالاں ھژدہ رن جوڈ کتگ –

بالنگ ءِ تہ ءَ سی ایس کے ءِ آل راؤنڈر ویندر جڈیجہ ءَ جوانیں بالنگ کتگ کہ آئی ءَ پہ وتی ٹیم ءِ ھاتر ءَ چار اوور لیب کتگ ءُ بیست ءُ دو رن داتگ ءُ درساں گیش سَے وکٹ گپتگ – ایس آر ایچ ءِ ھاتر ءَ مینک مارکنڈے جوانتریں بالر بوتگ کہ آئی ءَ وتی ٹیم ءِ ھاتر ءَ چار اوور لیب کتگ ءُ بیست ءَ سَے رن داتگ ءُ دو وکٹ گپتگ –