بلوچستان ءِ دمگ پنجگور ءَ پاکستانی پوج ءَ یک مردمے زورانسری آوار جنی ءِ نشانگ کنگ ءَ پد بیگواہ کتگ-
گیشیں ھالانی رِد ءَ پنجگور ءِ تھسیل پروم ءَ پاکستانی پوج ءَ یک مردمے زورانسری آوار جنی ءَ پد ناشناسیں جاھے ءَ برتگ کہ آئی ءِ پجّار حنیف ء قیصر جھمنند پروم ریش پیش ءِ نام ءَ چہ بیتگ-
زانگ بہ بیت اشی ءَ ساری ھم پوج ءَ ھپت جون ءَ 2018 ءَ آوار جنگ ءَ پد بیگواہ کتگ اَت ءُ سالاں بندیگجاھاں بند کنگ ءَ پد یل کنگ بیتگ ءُ یکرندے پد ءَ آ بیگواہ کنگ بیتگ-
دومی نیمگ ءَ پنچ دسمبر 2021 ءَ پاکستانی پوج ءِ دست ءَ زورانسری آوار جنگ بیتگیں ورناہ ساجد ء حاجی لال بخش جھمنند پنجگور آجو بیتگ- کھول ءِ گْوشگ اِنت آ ھپت روچ بیت آجو بیتگ-
ھمے وڑ کیچ ءِ دمگ شھرک ءِ جھمنند ءُ عطا شاد ڈگری کالج تربت ءِ نودربر میر وائس ء خلیل احمد گوستگیں شپ ءَ آجو بیتگ لوگ ءَ سر بیتگ-
کھول ءِ رِد ءَ آ پوج ءَ ھمے سال ءِ فروری 28 ءَ آوار جتگ ءُ مرچی آجو بیتگ-
زانگ بہ بیت بیگواھیں مردمانی کھول ءِ گل وائس فار بلوچ مسنگ پرسنز ءِ رِد ءَ بلوچستان ءِ جتائیں دمگاں چہ ھمکروچ مردماں پاکستانی پوج آوار جنگ ءُ بیگواہ کنگ ءَ اِنت ءُ لھتے مردمانی یل کنگ ءَ پد دگہ گیشیں مردم بیگواہ کنگ بیتگ-