بلوچستان ءِ دمگ چمن ءَ یک تراکے بیتگ ءُ یک مردمے بیران بیتگ-
لیویز بنشون ءِ رد ءَ گوستگیں شپ ءَ چمن ءِ ھند سپینہ تیڑہ ءَ یک شوانگے ءَ دزبمبے رس اتگ چریشی ءَ آ گون بمب ءَ لیب کنان ءَ بمب ترک اتگ ءُ شوانگ بیران بیتگ-
وئیل ءِ ھال ءِ سر بوگ ءَ لیویز ءِ کارندہ وئیل جاہ ءَ شتگ ءُ دمگ اش انگیر کرتگ ءُ چم دیستگیں مردمانی یکجاہ کنگ اش بندات کتگ-
زانگ بہ بیت لھتے روچ پیش ھم چمن رھمان کھول دگ ءَ لوگے ءَ شوروانی تراک ءَ سَے زھگ بیران بیتگ ات اَنت-
چمن ءَ بمب تراک ءَ بیران بیتگیں شوانگ ءِ لاش لیویز ءَ چست کتگ ءُ ھسپتال ءَ برتگ-