بلوچستان ءِ دمگ پنجگور ءُ کوھلو ءَ تیرگواری ءِ وئیلانی تہ ءَ دو مردم بیران بیتگ اَنت۔
سر بیتگیں ھالانی رد ءَ پنجگور ءُ کوھلو ءَ تیر گواری ءِ دو جتائیں وئیلانی تہ ءَ دو مردم بیران بیتگ اَنت۔
اھولانی رد ءَ پنجگور ءَ گچگ ءِ ھند ءَ تیرگواری ءِ وئیلے دیم ءَ اَتکگ، کہ اود ءَ تیر گواری ءِ تہ ءَ حبیب ء محمد رضا نامی ئیں مردمے بیران بیتگ۔
اھولانی گُشگ اِنت کہ تیر گواری ءِ وئیل ھما وھد ءَ دیم ءَ اتکگ وھدیکہ بیران بیتگیں مردم وتی پرپٹ ءَ سوار بیتگ ءُ دیم پہ لوگ ءَ رؤگ ءَ بیتگ کہ ناشناسیں مردماں نشانگ کُتگ تتکگ اَنت۔
دومی نیمگ ءَ چہ کوھلو ءَ سربیتگیں اھوالانی رد ءَ گوستگیں روچ ءَ رکنی ءِ نزیک ءَ ناشناسیں سلاہ بندیں مردماں تیر گواری کُتگ ءُ یک مردمے کُشتگ، بیران بیتگیں مردم ءِ پجار جامیر مری ءِ نام ءَ بیتگ۔
البت اے وئیلانی پشدر ءِ سوب داں انگت زانگ نہ بیتگ اَنت۔