بلوچستان لبریشن فرنٹ ءِ جارکش میجر گوھرام بلوچ ءَ دو جتا جتائیں دمگاں بیتگیں اُرشانی زمہ واری من اتگ اَنت-
جارکش ءَ وتی شنگ کرتگیں درشان ءِ تہ ءَ گوشتگ گوستگیں روچ ءِ سھب ءِ ساھت نُھ ءُ بیست ءَ سرمچاراں مشکہ ءِ دمگ ملیشبند ءَ پاکستانی پوج ءِ سر ءَ ھما وھد ءَ اُرش کتگ آ ھرانی سر ءَ بنجل ءِ واستا آپ ءِ برگ ءَ بیتگ- ھمے وھد ءَ بنجل ءِ سنگر اسنائپر ءُ وتکارانی سلاھانی گون ءَ نشانگ کتگ ءُ چریشی ءَ سَے کارندہ نرتگ ءُ دو زدگ بیتگ اَنت-
آئی ءَ گوشتگ یک دگہ اُرشے کیچ ءِ دمگ تمپ ءَ ایکسچینج ءَ ھستیں پوجی بنجل ءِ سر ءَ دزبمبے چگل داتگ ءُ چریشی ءَ پوج ءَ جانی ءُ مالی تاوانانی دیمپانی کنگ کپتگ-
آئی ءَ گوشتگ کہ بلوچستان لبریشن فرنٹ اے اُرشانی زمہ واریاں من ایت ءُ داں زورگپتگیں بلوچستان ءِ آجوئی ءَ پوج ءِ سر ءَ یکشلیں اُرشاں برجاہ کنت-