زاھدان ءَ ایرانی چیریں ادارہ “اطلاعات” ءَ یک ورنایے دزگیر کنگ ءَ پد بیگواہ کرتگ –
سر بیتگیں ھالانی رد ءَ گوستگیں روچ ءَ روکپتی بلوچستان ءِ بنجاھی شھر زاھدان ءَ ایرانی چیریں ادارھاں یک ورنایے آوار جنگ ءَ پد گون وت برتگ-
آوار جنگ بیتگیں مردم ءِ پجار مھمد ناروئی ء علی ءِ نام ءَ زانگ بیتگ –
ھالانی رد ءَ گوشگ بیتگ کہ آ زاھدان ءَ لس پوشاکی کارندھاں آوار جتگ ءُ برتگ ءُ آئی ءِ آوار جنی ءِ وھد ءَ آئی ءِ نزیکیں مردماں دیستگ –
ھالانی رد ءَ گوشگ بیتگ کہ آئی ءِ کھول ءَ چیریں ادارھانی کارندھانی گور ءَ جُست ءُ پرس کرتگ گڑا آیاں اے آوار جنی ءِ گپ رد کتگ-
زانگ بہ بیت روکپتی بلوچستان ءَ مردمانی آوار جنی ھما وھد ءَ بندات بیتگ انت کہ اود ءَ ماھو نام جنکے ءِ گون ءَ زورانسری زوراکی ءِ ھلاپ ءَ یک برانزے چست بیتگ کہ چرے برانز ءَ روکپتی بلوچستان ءَ مھلوک ءَ پہ ماھو بلوچ ءِ انساپ ءَ بازیں کچے ءَ زھرشانی کتگ بیتگ-