آئی پی ایل 2023: سن رائزرز ھیدرآباد ءَ کولکاتہ ءِ دیم ءَ 23رناں گوازی برتگ

ھیدر آباد ءِ بیٹنگ ءِ گپ جنگ بہ بیت گڈا ٹیم ءِ گرانتریں لیبی ہیری بروک ءَ کے کے آر ءِ سر ءَ ھچ رھم نہ کُتگ کہ آئی ءَ آئی پی ایل ءِ ڈیبیو سیزن ءَ جوانی ءَ گوازی کنان ءَ سنچری کُتگ –

آئی پی ایل ءِ شانزدھمی سیزن ءِ نوزدھمی گوازی ءَ کے کے آر ءُ ھیدرآباد دیم پہ دیم بوتگ انت – کولکاتہ ءِ ایڈن گارڈن ءَ گوازی کنگ بوتگ – سیل ءُ چاروکوکاں اولسر ءَ ھیدرآباد ءِ بیٹنگ ءَ شاتمانی کتگ ءُ پد ءَ کے کے آر ءِ بیٹنگ ءِ سر ءَ سیل ءُ چاروک اشتاتگ ءُ کوکار اش داتگ – سیل ءُ چاروک بس گڈی بال ءِ ودار ءَ بوتگ اکہ کئے کٹ ایت بلے گڈسر ءَ ھیدر آباد ءِ ٹیم ءَ کے کے آر چہ وتی جند ءِ گوازی پٹ بے سوب کُتگ ءُ گوازی کٹ اِتگ –

ھیدر آباد ءِ نیمگ ءَ ہیری بروک ءَ پنجاہ ءُ پنچ بالاں دوازدہ چوکا ءُ سَے چکا جتگ ءُ سنچری (100) کُتگ اشی ءَ ھوار کولکاتہ نائٹ رائیڈرز ءِ نیمگ ءَ کپٹن نتیش رانا ءَ پہ کٹگ ءِ ھاتر ءَ وتی زور جتگ کہ آئی ءَ چِل ءُ یک بالاں ھپتاد ءُ پنچ رن جوڑ کُتگ انت بلے وتی ٹیم ءِ کٹارینگ ءَ سوبمند نہ بوتگ –

ھیدر آباد ءَ اے سیزن ءِ تہ ءَ درساں چہ مستریں اسکور جوڑ کتگ –

ہیری بروک ءِ سنچری ءُ کپٹن ایڈم مارکرم ءِ ففٹی ءِ بدولت ءَ ھیدرآباد ءَ دوسد ءُ بیست ءُ ھشت رنانی اسکور ءِ مِک کُتگ گڈسر ءَ کلاسن ءُ ابھیشک شرما ءَ ھم تچوکیں کور ءَ وتی دست شُشتگ ءُ کے کے آر ءِ بالر الکاپ کُتگ انت – دومی سوبمندی ءِ شوھاز ءَ ھیدرآباد ءَ اے سیزن ءِ تہ ءَ درساں مستریں اسکور جوڑ کتگ ھمے ٹارگٹ سوب ءَ ھیدرآباد ٹیم ءَ کے کے آر بیست ءُ چار رناں کٹ اِتگ –