ایرانشھر: سپاہ ءِ تیرگواری ءَ یک گاڑی ءَ آس کپتگ ءُ ستکگ

ایرانی سپاہ ءَ تیل کشین گاڑی یے سر ءَ تیرگواری کتگ ءُ چریشی ءَ گاڑی کلٹی بیتگ ءُ گاڑی ءَ آس کپتگ –

گیشیں ھالانی رد ءَ روکپتی بلوچستان ءِ شھر ایرانشھر “پھرہ ” یک گاڑی ءِ سر ءَ ایرانی سپاہ ءَ تیرگواری کرتگ ءُ اود ءَ گاڑی ءَ آس کپتگ ءُ گاڑی ستکگ ءُ پُر بیتگ-

ھالانی رد ءَ گوشگ بیتگ کہ گاڑی ءَ دو مردم سوار بیتگ اَنت چریشانی توک ءَ یکے زدگ بیتگ ءُ دومی ءَ سلامتی ءَ درایگ ءَ سوبمند بیتگ –

تیل کشانی سر ءَ تیرگواریانی درچ یکشل ءَ برجاہ اَنت ءُ اود ءَ ھمک سال بازیں کچے ءَ ھمے داب ءَ تیل کشیں گاڑی ءُ آیانی باپاری مردم مرگ ءُ زدگانی آماچ بوان اَنت –