بلوچستان ءِ کلات دمگ ءَ ناشناسیں مردماں خزینی ءِ ھندءَ گرانبھائیں سنگ بروکیں ٹرک اُرش ءِ تہءَ نشانگ کُتگ۔
اھوالانی ردءَ اُرش ءِ تہءَ گاڑیاں تاوان رستگ وھدیکہ اُرشکار تچگ ءَ سوبمند بیتگ اَنت۔ دومی نیمگ ءَ بلوچ لبریشن آرمی ءَ خزینی ءَ بیتگیں اُرش ءِ زمہ واری من اِتگ۔
بلوچ لبریشن آرمی ءِ جارکش جیئند بلوچ ءَ رسانکدرءَ شنگ کُتگیں درشانے تہءَ گُشتگ کہ گوستگیں شپ ءَ مئے سرمچاراں کلات ءَ خزینئی ءِ ھندءَ مادَن بروکیں ٹریلر گاڑی سلاہ بندیں اُرش ئے تہءَ نشانگ کُتگ۔ سرمچاراں گاڑی ءِ ٹائر تیر گواری ءِ تہءَ بے کار کتگ اَنت۔
جارکش ءَ گُڈسرءَ گُشتگ کہ بلوچ لبریشن آرمی اے اُرش ءِ زمہ واری ءَ من اِیت۔