مچ ءَ لشکر کشی برجاہ، زورانسری آوار جنی ءِ ھال

بلوچستان ءِ دمگ مچ ءَ مروچی ھم لشکر کشی برجاہ بوتگ، بالگردانی ترتاب وھدیکہ دمگ یکشل ءَ پوجی انگر انت –

دمگی اھوالکارانی رِد ءَ لشکر کشی ءِ میان ءَ پوج ءَ گلہ ءِ کشت ءُ کشار ءَ ھواریں یک کھول آوار جتگ ءُ بیگواہ کتگ انت –

اھوالکار ءِ رِد ءَ مچ، اب گم ءُ کش ءُ گوری ھند ءُ دمگ لشکر کشی ءِ زد ءَ انت وھدیکہ دمگ ءِ تہ ءَ ھنگت ھال اھوالی ءِ سرجمیں آسراتی تنی وھدی بند انت –

مروچی ششمی روچ ءَ برجاھیں لشکر کشی ءِ سوب ءَ دمگی مردماں وردنی ساماناں ھوار نادراھ ھم سک باز جنجالی ءِ دیمپان انت –

واکدارانی نیمگ ءَ تنی وھدی لشکر کشی ءِ درگت ءَ ھچ وڑیں درشان نہ داتگ –