سالگشتی پاھو داتگیں مردمانی تہ ءَ 30 درسد روکپتی بلوچستان ءَ مردمانی ئیگ اَنت

ایران ءَ سالگشتی پاھو دیگ بیتگیں مردمانی شنگ بیتگیں اھوالانی تہ ءَ گوستگیں سال ءَ ایران ءِ جتا جتائیں اُستاناں 130 مردم پاھو دیگ بیتگ اَنت –

ایشانی توک ءُ آذربایجان ءِ روکپتی ءُ رودراتکی، سیستان و بلوچستان ءُ کردستان ءَ بندوکیں مردم پاھو دیگ بیتگ اَنت-

رپورٹ ءَ گوشگ بیتگ کہ اے یک سد ءُ سِی ئیں مردمانی توک ءَ سِی درسد بلوچانی ئیگ اَنت کہ ایران ءِ واکداراں جتا جتائیں وھدانی سر ءَ پاھو داتگ اَنت-

روکپتی بلوچستان ءَ ھوار ایران ءِ کردستان ءَ چست بیتگیں زرمبشت ’زن زندگی آزادی ‘ ءِ برانزی ءَ پد اود ءَ جاور ناگیگی ءَ ھم گندگ ءَ اتکگ بیتگ اَنت چرے برانز ءَ مردم بازیں کچے ءَ گرگ ءُ برگ ءُ بازیں کچے ءَ کُشگ ءُ زدگ کنگ بیتگ اَنت-

سیستان و بلوچستان ایران ءِ دو درسد اِنت بلے اود ءَ مردمانی مرگ ءِ تاوان چرے درسداں باز گیش گندگ ءَ کیت اِنت-

سیستان و بلوچستان ءِ اے اھوال ءَ گوستگیں سال ءَ چہ پیش گوستگیں رپورٹاں دوسری گیش گندگ ءَ کیت اِنت –

روکپتی بلوچستان ءَ ھوار ایران ءِ دگہ اُستاناں پاھو دیگ بیتگیں مردمانی بارو ءَ انسانی ھکانی گلاں ھم وتی زھر ء درشان کتگ ءُ چہ ایران ءَ لوٹ کنگ بیتگ کہ آ بندیگیں مردماں گپ کنگ ءِ ھک ءِ موکل ءَ بہ دنت-