نئی دھلی: آل راؤنڈر ہاردک پانڈیا ءِ سروکی ءَ گجرات ٹائٹنز ءَ آئی پی ایل ءِ شانزدھمی سیزن ءَ پنچ شمبے ءِ روچ ءَ پنجاپ کنگز ءِ دیم ءَ گوازی کٹ اِتگ – اولسر ءَ بیٹنگ کنان ءَ پنجاپ کنگز ءَ بیست اوورانی تہ ءَ ھشت وکٹانی تاوان ءَ یکسد ءُ پنجاہ ءُ سَے رن جوڈ کتگ انت – گجرات ءَ چار وکٹانی تاوان ءَ ٹارگٹ پروش اِتگ – گجرات ءِ نیمگ ءَ تیزتریں بالر موہت شرما ءَ دو وکٹ گپتگ ءُ شبھمن گل ءَ شست ءُ ھپت رن جوڈ کتگ ءُ گوازی کٹگ ءَ وتی جوانین کرد ءِ پیلو کتگ –
گجرات ٹائنٹز ءَ اے سیزن ءِ تہ ءَ وتی سیمی سوبمندی نبشتہ کنائیں اِتگ – نوں آئی ءِ چار میچانی تہ ءَ شش پوئنٹ بوتگ انت – اشی ءَ ھوار ھوار راجستھان ءُ لکھنو ءِ ھم شش شش پوئنٹ انت چوش کہ نیٹ ریٹ ءِ سوب ءَ راجستھان اولی نمبر انت ءُ لکھنو دومی ءُ گجرات سیمی نمبر سربوتگ –
گجرات ءِ نیمگ ءَ بالراں پد اوپنر ءَ اتکگیں شبھمن گل ءَ جوانین گوازی پیش داشتگ ءُ گل اننگز ءِ گڈی اوور دومی بال ءَ واتر بوتگ کہ آ سیم کیرن ءَ بولڈ کتگ – آئی ءَ چِل ءُ نُھ بالاں ھپت چوکا ءُ یک چکّایے جتگ ءَ شست ءُ ھپت رن جوڈ کتگ – پدا رند ءَ راہل تیوتیا پنچ رن جوڈ کتگ ءُ کٹگ ءِ چوکا جتگ ءُ ناٹ آؤٹ بوتگ – ڈیوڈ ملر ءَ ھژدہ بالاں ھبدہ رن جوڈ کتگ ءُ ناٹ آؤٹ بوتگ – پنجاپ ءِ نیمگ ءَ ارشدیپ، کگیسو، ہرپریت ءُ سیم کیرن ءَ یک یک وکٹ ءِ گپتگ –
چدوپیسر پنجاپ کنگز ءَ گجرات ءِ بالرانی دیم ءَ ھشت وکٹانی سر ءَ یکسد ءُ پنجاہ ءُ سَے رن جوڈ کتگ – کپٹن شیکھر ھشت ءُ ورنائیں پربھسمرن سنگھ ءَ ھم جوانی ءَ لیب کت نہ کتگ بلے ھو میتھیو شاٹ ءَ جھد کتگ ءُ آئی ءَ بیست ءُ چار بالاں سِی ءُ شش رن جوڈ کتگ آئی ءَ شش چوکا ءُ یک چکایے ھم جتگ ءُ وکٹ کیپر جیتیش شرما ءَ بیست ءُ پنچ ق سیم کیرن ءُ شاہ رخ خان ءَ بیست ءُ دو بیست ءُ دو رن جوڈ کتگ –