روکپتی بلوچستان ءِ سیمسری اُستان ھرمزگان ءِ ھند رودان ءَ سلاہ بندیں مردمانی میان ءَ تیرگواری ایرانی اینٹی نارکوٹکس ءِ کارندھے کُشگ بیتگ-
کُشگ بیتگیں کارندہ ءِ پجار سعید مریدیبءِ نام ءَ زانگ بیتگ کہ اود ءَ دو نیمگی تیرگواری ءَ آ کُشگ بیتگ-
ھالانی رد ءَ گوشگ بیتگ کہ اود ءَ نشہ باپاری کنوکانی رند ءَ کپتگین اینٹی نارکوٹکس ءُ نشہ باپاری کنوکانی میان ءَ رودان ءِ شھر ءَ تیرگواری بیتگ کہ چریشی ءَ رودان ءِ نارکوٹکس ءِ آپیسر سعید مریدی کُشگ بیتگ-
زانگ بہ بیت ایران ءَ نشہ ءِ ھلاپ ءَ جتاجتائیں تک پہ نشہ ءِ گر ءُ بند ءَ کارمرد کنگ بنت چریشانی توک ءَ نامانتر گر ءُ بندی پاھو اِنت کہ اؤد ءَ نشہ باپاری کنوکانی سر ءَ سزا ءِ رنگ ءَ ایر کنگ بیت اِنت-