بلوچستان ءُ کراچی ءَ پاکستانی پوج ءِ دست ءَ دو مردم بیگواہ، یکے آجو بیتگ

بلوچستان ءُ کراچی ءَ پاکستانی پوج ءِ دست ءَ دو مردم زورانسری آوار جنی ءِ نشانگ کنگ بیتگ اَنت وھدے کہ یکے آجو بیتگ-

گیشیں ھالانی رِد ءَ تربت ءِ دمگ چہ آبسر ءَ پاکستانی پوج ءَ یک ورنایے زورانسری آوار جتگ ءُ ناشناسیں جاھے ءَ برتگ –

بیگواہ کنگ بیتگیں ورنائے پجّار طاھر ء عزیز نام ءَ چہ بیتگ کہ آبسر ءِ جھمنند اِنت-

اِھوالکارانی رِد ءَ اے ورناہ پوج ءَ گوستگیں روچ ءِ بیگاہ ءَ ھما وھد ءَ وتی دکان ءَ چہ بیڑبرتگ آوار جنگ ءَ پد ناشناسیں جاھے ءَ برتگ-

ھمے وڑ سندھ ءِ بُنجاھی شھر چہ کراچی ءَ پاکستانی پوج ءِ کارندھاں پرندوشی گوٹھ ملیر ءَ نندوک حیات جھمنند کیچ تمپ کور جو نامیں لوگے ءِ سر ءَ بیڑبرتگ ءُ آ دوئیں چُک امیر ءُ جلال ءَ ھوار لَٹ ءُ کُٹ کنگ ءَ پد زورانسری بیگواہ کتگ-

کھول رِد ءَ چیزے کلاک ءَ پد حیات ءُ امیر یل داتگ اَنت ءُ آ گوشگ بیتگ اَنت کہ پوج ءِ دست ءَ بیگواہ کنگ بیتگیں جلال ءِ بیگواھی ءِ سر ءَ بے توار بہ بنت-

کھول رِد ءَ جلال پاسپورٹ ءُ لوگ ءَ ساڑی ئیں دو موباھل سم ھم کارندھاں وتی ھمراھی ءَ برتگ اَنت –

دومی نیمگ ءَ چہ نوشکی ءَ نُھ ماہ ءَ ساری زورانسری آوار جنگ بیتگیں حبیب بادینی آجو بیتگ ءُ وتی لوگ ءَ سر بیتگ-