آئی پی ایل2023: لکھنو ءَ یک وکٹے ءَ گوازی کٹ اِتگ، اے گوازی ءِ کٹگ ءَ لکھنو ٹاپ ءَ سر بوتگ

انڈین پریمئیر لیگ ءِ شانزدھمی سیزن ءَ لکھنو سپر جائنٹس ءَ رائل چیلنجرز بنگلور یک وکٹے ءَ بے سوب کُتگ ءُ ٹورنمنٹ ءِ تہ ءَ وتی سیمی سوبمندی گپتگ، اے گوازی ءِ کٹگ ءِ ھمراھی ءَ پوئنٹس ٹیبل ءِ تہ ءَ ٹاپ ءَ سر بوتگ –

لکھنو سپر جائنٹس ءَ ٹاس کٹ اِتگ ءُ اولسر ءَ بالنگ کنگ ءِ شور کُتگ ءُ آر سی بی ءِ نیمگ ءَ دوسد ءُ سینزدہ رنانی ٹارگٹ دیگ بوتگ کہ لکھنو ءَ نُھ وکٹانی تاوان ءَ ٹارگٹ پروشتگ –

لکھنو ءَ آر سی بی یک وکٹے ءَ پروش داتگ ءُ گوازی کٹ اِتگ – اولسر ءَ بیٹنگ کنان ءَ آر سی بی ءَ دو وکٹانی تاوان ءَ دو سد ءُ دوازدہ رن جوڈ کتگ انت پسوی ءَ لکھنو ءَ نُھ وکٹانی تاوان ءَ دوسد ءُ سینزدہ رن جوڈ کُتگ ءُ گوازی وتی نام ءَ کتگ –

آر سی بی ءِ نیمگ ءَ وراٹ کوہلی ءَ چِل ءُ چار بالاں شست ءُ یک، گلین میکسویل ءَ بیست ءُ نُھ بالاں پنجاہ ءُ نُھ ءُ کپٹن فاف ڈوپلیسی ءَ چِل ءُ شش بالاں ھپتاد ءُ نُھ رن جوڈ کتگ ءُ ناٹ آؤٹ بوتگ –

اشی ءِ ھمراھی ءَ لکھنو ءِ نیمگ ءَ مارک ووڈ ءُ امیت مشرا ءَ یک یک وکٹ ءِ گپتگ – لکھنو ءِ بندات ھراب بوتگ لکھنو ءِ سَے وکٹ بیست ءُ سَے رنانی سر ءَ کپتگ بلے چریشی ءَ پد مارکس ءَ سِی بالاں شست ءُ پنچ رن جوڈ کتگ ءُ نکولس ءَ نوزدہ بالاں شست ءُ دو رن جوڈ کتگ ءُ سوبمندی ءِ نزیک ءَ رسین اِتگ بلے پدا ھم آ ھبدھمی اوور ءَ آؤٹ بوتگ ءُ نوزدھمی اوور آیوش ھم وکٹ کپتگ – چدو پد گڈی اوور ءَ اویش خان ءَ یک رن ءِ زُرتگ ءُ گوازی کٹ اِتگ –