شال: پورسز ءِ گاڑی ءِ سر ءَ بمب، چار مردم بیران، بازینے زدگ

بلوچستان ءِ بنجاھی شھر شال ءِ ھند کندھاری بازار ءَ پاکستانی پورسز ءِ گاڑی ءِ سر ءَ بمب تراکے بیتگ کہ چریشی ءَ چار مردم بیران ءُ بازینے زدگ بیتگ اَنت-

تراک ءِ ھال ءِ سر بوگ ءَ پولیس ءُ ریسکیو ءِ واکدار ھما جاہ ءَ رھادگ بیتگ اَنت-

ریسکیو ءِ واکدارانی گوشگ اِنت تراک ءُ دو پولیس کارمنداں ھوار ھشت مردم نادراہ جاہ ءَ سر کتگ اَنت-

پولیس ءِ بنشون ءَ راست کنان ءَ گوشتگ کہ تراک ءَ پولیس نشانگ کنگ بیتگ، تراک پولیس موبائل ءِ نزیک ءُ کنگ بیتگ کہ چریشی ءَ دو پولیس کارمند سک ٹپیگ بیتگ اَنت-