بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کُتگیں درشانے تہ ءَ گُشتگ کہ مئے سرمچاراں تُربت ءُ پنجگور ءَ دو اُرشانی تہءَ قوضہ گیریں پوج ءُ ادارگانی دو کارندہ کُشتگ اَنت۔
جارکشءَ گُشتگ کہ بی ایل اے ءِ سرمچاراں گوستگیں شپ ءَ کیچ ءِ بنجاھی شھر تُربت ءَ نیشنل بینک چارراہ ءِ سرءَ تیرگواری کُتگ ءُ سندھ ءِ جھمنند محمد آفتاب کُشتگ۔
نشانگ کُتگیں مردم ءَ بی ایل اے ءِ سرمچار چارگ ءَ بیتگ اَنت، آ چیریں دروشم ءَ قوضہ گیریں پاکستانی پوج ءِ کمک ءَ ھوار بیتگ۔
آئی ءَ گُشتگ کہ تربت شھر ءُ کش ءُ گوری ھنداں مزنیں کساس ءَ قوضہ گیریں پاکستانی پوج ءَ دری مردم آورتگ ءُ چاریگی ءِ کار گرگ ءَ اَنت، ھمے مردماں وتی دروشم مَٹ کُتگ ءُ جتاھیں ھنداں دژمن ءِ پگار گِری ءَ کار کنگ ءَ اَنت کہ آیاں ما ھژار کن ایں کہ آ قوضہ گیریں پوج ءِ گُشگ ءِ پدءَ چہ اے کردگار ءَ دیر بہ بنت اگں نہ وتی جانی ءُ مالی تاوانانی زمہ وار وت بنت۔
جیئند بلوچ ءَ گُشتگ کہ دگہ یک اُرش ئے تہءَ بی ایل اے ءِ سرمچاراں پنجگور ءِ ھنکین گوارگو ءِ سہتکنر ءِ ھندءَ نزیر احمد ء بہرام جھمنند سبزاب تیر گوار کُتگ ءُ کُشتگ۔
آئی گُشگ اَت کہ نزیر مزنیں وھدے ءَ چہ بی ایل اے ءِ نشانگ ءَ بیتگ، اے مرد پوجی بیڑءِ تہءَ دژمنیں پوج ءِ کمک ءَ ھوار بیتگ ءُ دژمن ءِ گُشگ ءِ پدءَ ھندی مردماں جتاھین پئیم ءَ بلیک میل کنگ ءَ ھوار بیتگ وھدیکہ اِشی بدلی ءَ ھمے مردءَ سی پیک دگ ءِ سرءَ بھتہ زیرگ ءِ پرمان بیتگ۔
آئی ءَ گُشتگ کہ راجی گداری ءَ ھوار بیتگیں مردم گوستگیں روچ ءَ بی ایل اے ءِ سرمچاراں کُشتگ ۔
جارکش ءَ گُشتگ کہ بلوچ لبریشن آرمی اے دوھیں اُرشانی زمہ واری ءَ من اِیت۔ سرڈگار ءِ آجوئی ءِ گرگ ءَ داں قوضہ گیریں پوج ءُ آئی کمکارانی سرءَ مئے اُرش برجاہ بنت۔