بلوچستان لبریشن فرنٹ ءِ جارکش میجر گوھرام بلوچ ءَ رسانکدراں شنگ کُتگیں درشانے تہءَ گُشتگ کہ بی ایل ایف ءِ سرمچاراں کیچ ءِ دمگ کولواہ سگک تنک ءِ ھند ءَ پاکستانی پوج ءِ یک گاڑی ءُ دو پاداں رؤکیں کارندھانی سرءَ دگ بستگ ءُ اُرش کُتگ۔
پہ وھد اھوال رسگ ءِ سرءَ سرمچاراں جوانیں چیر جنگی کارشون کارمرز کنان ءَ زورگیریں پوج ءِ کارندہ نزیک ءَ نشانگ کُتگ۔ گاڑی ءُ پند ءَ رؤکیں کارندھانی پُشت ءَ لھتیں گَز ءِ دیری ءَ چار پرپٹانی سرءَ ھشت کارندہ آیگ ءَ بیتگ اَنت۔
جارکش ءَ گُشتگ کہ سرمچاراں گوں راکٹ ءُ دگہ مزنیں سلاھانی گون ءَ دژمن پوج ءَ ترندیں تاوان داتگ۔ وھدیکہ پیادگ ءُ پرپٹ سواریں کارندہ اسنائپر ءُ وتکاریں مزنیں سلاھاں گوں نشانگ کُتگ اَنت۔ اُرش ءِ تہءَ شش کارندہ مرتگ اَنت ءُ بازیں ٹپی بیتگ اَنت۔
جارکش ءَ گُشتگ کہ بلوچستان لبریشن فرنٹ اے اُرش ءِ زمہ واری ءَ من اِیت۔ زورگپتگیں بلوچستان ءِ آجوئی ءَ داں زورگیریں لشکریانی سر ءَ اُرشاں برجاہ دار ایت۔