بلوچستان ءِ تیاب دپی شھر گوادر ءَ ناشناسیں مردماں گلہ بروکیں ٹرالر بمب تراکے ءِ نشانگ کُتگ۔
اھوالانی رد ءَ گوادر شھر ءَ نیاآباد ءِ نزیک ءَ ناشناسیں مردماں ٹرالر ھما وھد ءَ بمب تراکے ءِ نشانگ کُتگ وھدے آ چہ گوادر بندر ءَ گَلہ لڈگ ءُ برگ ءَ بیتگ۔
اھوالانی گُشگ اِنت کہ اُرش ءِ تہ ءَ ٹرالر ءَ تاوان رس اتگ وھدیکہ ارش ءَ پد سرجمیں دمگ لشکریاں انگیراں کُتگ۔
یات بہ بیت کہ بلوچستان ءِ تہ ءَ چُشیں اُرش وھد وھد ءِ سر ءَ دیم ءَ کائنت کہ اِیشانی زمہ واریاں بلوچ آجوئی لوٹوکیں سلاہ بندیں گلاں من اِتگ اَنت البت مروچیگیں اُرش ءِ زمہ واری ھچ گل ءَ پہ وت نہ زُرتگ۔