بلوچستان : جتاجتائیں دمگاں تیرگواری ءِ آسر ءَ سے مردم بیران بیتگ اَنت

بلوچستان ءِ جتاجتائیں دمگ تربت ، پنجگور ءُ مستونگ ءَ تیرگواری ءِ آسر ءَ سے مردم بیران بیتگ اَنت-

گیشیں ھالانی رِد ءَ تربت نیشنل بینک چوک سر ءَ تیرگواری ءَ چہ یک مردمے بیران بیتگ کہ آئی ءِ پجّار بدین سندھ ءِ جھمنند محمد آفتاب نام چہ بیتگ-

پولیس رِد ءَ اے مرد ءَ چار تیر لگ اِتگ ءُ گوں نگیگیں جاوراں ٹیچنگ نادُراھجاہ ءَ برتگ اَنت کہ اود ءَ ٹپانی درد نہ سگ اِتگ ءُ بیران بیتگ-

دومی نیمگ ءَ پنجگور ءِ دمگ گوارگو ءَ ناشناسیں سلاہ بندیں مرداں تیرگواری کتگ بابو نزیر نامیں مردمے کُشتگ-

اِھوالکارانی رِد ءَ اے مرد ءِ سیادی سرکاری پلامرزی کنوکیں ٹولی ڈیتھ اسکواڈ ءَ اِنت چہ کہ سلاہ بندیں مردماں تیرگواری کتگ ءُ کُشتگ-

ھمے وڑ مستونگ بازار ءَ محراب دگ ءِ ھند ءَ پرپٹ سواریں سلاہ بندیں مردماں تیرگواری کتگ حاجی عزیز اسلم لھڑی نامیں مردمے کُشتگ-

تنی وھدے سئیں وئیلانی سوب زانگ نہ بیتگ اَنت-