دالبندین : شَکر ءِ نیستی ءِ بگیری ءَ تھتگ بندیں ھرتال

بلوچستان ءِ دمگ دالبندین ءَ انجمن تاجران ءِ نیمگ ءَ شَکر ءِ نیستی ءِ بگیری ءَ تھتگ بند ھرتال کتگ ءُ درسیں باپاری بنجل بند بوتگ انت –

بازیں سیاسی پاٹی ءُ سیاسی پینلزاں ھم ھرتال ءِ پلامرزی کُرتگ –

انجمن تاجران ءِ گوشگ انت کہ دمگی باپاری شَکر آؤرت نہ کن انت ءُ بازیں جنجالانی دیمپان انت وھدیکہ شکر مافیا چہ چاگی ءَ ارزانی ءِ گوم ءَ شکراں اوگان ءَ بر انت ءُ مئے بازار ءَ شکر 150 ءَ بھا بوگ ءَ انت –

آھاں لوٹ کتگ ءُ گوشتگ کہ واکدار شکر اسمگلرانی بگیری ءَ گامگیج بہ زوریت ءُ دمگی باپاریاں شکر دیگ ءِ ھاتر ءَ وتی کرد ءَ پیلو بہ کنت – مروچی آدینگ ءِ روچ ءَ تاں آدینگ ءِ نماز ءَ دالبندین ءِ درسیں مزن ءُ کسانیں مارکیٹ بند بوتگ انت –