آذربائیجان ءِ دری کارانی وزارتِ ءَ باکو ءِ تہءَ ایرانی سپارت جاہ ءِ چار کارمند نادوستیں مردم نامینتگ اَنت ءُ آیاں چِل ءُ ھشت ادارانی تہءَ مُلک ءَ یل کنگ ءِ پرمان داتگ۔
دری کارانی وزارت ءَ پنچ شمبے ءَ یک درشانے تہءَ گُشتگ کہ آئی ءَ ایران ءِ جھگیرعباس موسوی لوٹارینتگ ءُ ھال داتگ کہ سپارت جاہ ءِ چہ مردم آیانی کارپدانی سوب ءَ نادوستیں مردم نامینگ بیتگ پرچہ کہ آیانی سُرپُر سپارتی حیثیت ءِ ردءَ نہ بیتگ اَنت ءُ سپارتی سیادی ءِ بابتءَ 1961 ءِ ویانا کنونشن ءِ ھلاپ بیتگ اَنت۔
چہ وزارت ءِ گُشگ بیتگ کہ ایرانی سپارت جاہ ءِ کارمندانی تہءَ ھمے چاریں کارندھاں آذربائیجان ءِ یل کنگ ءِ ھاترءَ 48 ادار ءِ وھد دیگ بیتگ۔
دری کارانی وزارت ءِ واکداراں ایرانی جھگیر ءَ گوں نیاد ءَ آذربائیجان ءِ بگیر ءَ تہران ءِ انیگیں شدت پسندیں کارپدانی سرءَ ھم نادلجمی ءِ درشان کُتگ۔