روکپتی بلوچستان ءِ دمگ سراوان ءَ بازیں کساسے ءَ مھلوک ءِ مچکدگ ءَ آس کپتگ ءُ ستکگ اَنت-
ھالانی رد ءَ آس ناگتی کپتگ چریشی ءَ اود ءَ آس ءَ بازیں کساسے ءَ مچ گپتگ ءُ سوتکگ اَنت-
سراوان ءِ کشاورزی ءِ گر ءُ دار کنوکیں ایرج رستم زئی ءَ گوشتگ کہ اود ءَ ھاسیں دامگ ءِ نہ بوگ ءَ مھلوک ءَ داں آس کُش ءَ دیراں ھال سر کتگ چریشی ءَ داں آس کُش ءَ ھال سر بیتگ گڑا آس ءَ وتی کار سرجم کتگ-
ھالانی رد ءَ گوشگ بیتگ کہ آس کپگ ءِ سبب ءَ مچکدگ ءَ بازیں کساسے ءَ تاوان بیتگ ءُ چریشی ءَ مھلوک ءِ بازیں مَچے ستکگ ءُ پر بیتگ اَنت-
زانگ بہ بیت چِد ءُ پیش ھم روکپتی بلوچستان ءَ چوشیں وئیل دیم ءَ اتکگ بیتگ اَنت کہ گوستگیں سال ءَ روکپتی بلوچستان ءَ ھم ناگتی یک مچکدگے ءَ آس کپتگ ات ءُ بازیں مَچے ستکگ بیتگ ات-