بلوچ لبریشن آرمی ءَ گوستگیں شپ ءَ بلوچستان ءِ دمگ کیچ ءَ پاکستانی پوج ءِ بُنجل سر ءَ بیتگیں اُرش زمہ واری منّ اِتگ-
بی ایل اے ءِ جارکش جیئند بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ بی ایل اے ءِ سرمچاراں کیچ ءِ دمگ ھوشاپ ءَ یک اُرشے ءَ زورگریں زورگریں پاکستانی پوج ءِ چار کارندہ کُشتگ ءُ بازین ئِے ٹپی کتگ اَنت وھدے کہ یک ڈرونے ھم جتگ ءُ دور داتگ-
جارکش ءَ دیمتر ءَ گْوشتگ کہ بی ایل اے سرمچاراں گوستگیں شپ ءَ ھوشاپ ءَ زورگریں پاکستانی پوج ءِ بُنجاھی بُنجل سر ءَ راکٹ ءُ دگہ نوکیں سلاھاں گوں اُرش کتگ، کساس پانزدہ ملٹ ءَ برجاھیں اے اُرش ءَ کم چہ کم چار دُژمنیں کارندہ کُشتگ ءُ بازین ئِے ٹپی کتگ اَنت-
جیئند بلوچ ءَ گْوشتگ کہ اُرش ءِ وھد ءَ دُژمن ءَ سرمچارانی بگیری ءَ ‘ سرویلنس ڈرون ‘ کارمرز کنگ ءَ بیتگ، کہ آ سرمچاراں جتگ ءُ دور داتگ وھدے کہ اُرش ءَ دُژمنیں پوج ءِ یک چوکی ءِ راکٹ لگگ ءَ چہ سرجم ءَ تباہ بیتگ- پروش وارتگیں دُژمنیں کارندھاں اُرش ءَ پد جتائیں نیمگاں میتگانی سر ءَ مارٹر آس داتگ-
گُڈی ءَ جارکش ءَ وتی درشان ءِ تہ ءَ گوشتگ کہ بلوچ لبریشن آرمی اے اُرش زمہ واری ءَ منّ اِیت ءُ اے اِھد کنت کہ زورگریں پوج ءِ سرجمی ءَ دراھگ ءَ تاں مئے اُرش گوں تُرندی ءَ برجاہ بنت-