تمپ ءَ پاکستانی پوج سر ءَ اُرش ءُ موباھل پون ٹاور مشینری ماندارگ ءِ زمہ واری بی ایل ایف ءَ زرتگ اَنت

بلوچستان لبریشن فرنٹ ءِ جارکش میجر گْوھرام بلوچ ءَ رسانکدر ءَ شنگ کتگیں درشان ءِ تہ ءَ گوشتگ کہ مئے سرمچاراں گوستگیں شپ ءِ دوازدہ ءَ تمپ ءِ دمگ آسیاباد ءَ پاکستانی پوج ءِ چوکی ءِ سر ءَ راکٹ ءَ گوں اُرش کتگ-

آئی ءَ گْوشتگ کہ اُرش ءِ آسر ءَ یک کارندھے مرتگ ءُ دو ٹپی بیتگ اَنت-

جارکش ءَ دیمتر ءَ گْوشتگ کہ دو اپریل ءَ سرمچاراں تمپ ءِ دمگ کونشقلات ءَ شپ ھشت وارد شرکت ءِ موباھل پون ٹاور ءِ مشینری سر ءَ اُرش کتگ ءُ سرجمیں مشینری مانداشتگ اَنت-

جارکش ءَ دیمتر ءَ گْوشتگ کہ موباھل پون بلوچ آجوئی لوٹوکانی چاریگری ءَ یک بلاھیں کردے پیلو کنگ ءَ اِنت-

آئی ءَ گْوشتگ کہ بلوچستان لبریشن فرنٹ اے دوئیں اُرشانی زمہ واری ءَ منّ اِیت ءُ زورگپتگیں بلوچستان ءِ وتواجھی ءَ تاں زورگریں پوج ءُ آئی ءِ کُمکارانی سر ءَ اُرش ءَ برجاہ دار اِیت-