اوگانستان: پند جنوکے ءَ ھوار برتانیہ ءِ سَے مردم تالبانانی بندیگ

برتانیہ ءِ در سرکاری گل پریسیڈیم نیٹ ورک ءَ شمبے ءِ بیگاہ ءَ اے گپانی درشانی کتگ کہ تالباناں یک پند جنوک ءُ سیل کنوکے ءَ ھوار برتانیہ ءِ سَے جھمنند اوگانستان ءِ زنداناں بندیگ کتگ انت –

گل ءِ رِد ءَ آ بندیگیں مردمانی کھولانی گوم ءَ نزیکیں کنگ ءَ انت –

دومی نیمگ ءَ برتانیہ ءِ دفتر خارجہ ءَ وتی درشانے ءِ تہ ءَ گوشتگ کہ ما اوگانستان ءَ بندیگیں برتانیہ ءِ جھمنندانی گوم ءَ قونصلر ءَ ھال اھوالانی برجاہ دارگ ءُ آھانی کھول ءِ کمک ءَ پہ کار کنگ ءَ ایں –

پریسیڈیم ءِ باسک سکاٹ رچرڈز ءَ اسکائی نیوز ءَ گوں تران کنان ءَ گوشتگ کہ مارا باور انت کہ آ وش ءُ سلامت انت، آھانی شریں وڈی ءَ چار گزار بوگ ءَ انت –

آئی ءَ گوشتگ کہ مئے گور ءَ پہ باور کنگ ءَ ھچ چشیں سوب ءِ نیست کہ ما بگوشیں آھانی سر ءَ زوراکی کنگ بوتگ –

ھمے گوشگ بوگ ءَ انت کہ تالباناں آھانی تہ ءَ دو جنوری ماہ ءَ بندیگ کتگ ءُ سیمی ءِ ھچ وڈیں ھال نیست کہ کدی گرگ ءُ بند کنگ بوتگ