باند ءَ بلوچستان شھدربرجاہ بند بیت – جوائنٹ ایکشن کمیٹی

جوائنٹ ایکشن کمیٹی ءِ نیمگ ءَ جار جنگ بوتگ کہ باند ءَ بلوچستان شھدربرجاہ سرجمی ءَ بند کنگ بیت اِنت –

جوائنٹ ایکشن کمیٹی ءِ نیمگ ءَ گوشگ بوتگ کہ بلوچستان ءِ بنجاھی سرکار، ایچ ای سی ءُ شھدربرجاہ ءِ ماٹو بوتگیں وائس چانسلر ءُ شھدربرجاہ ءِ واکدار گوستگیں دوماہ ءُ آؤکیں واھد ءِ ھاتر ءَ تنخواہ ءُ پینشنزانی گیشگیواری ءَ بے سوب بوتگ انت –

کمیٹی ءِ پیسلہ ءِ رِد ءَ بلوچستان شھدربرجاہ باند ءَ دو شمبے ءِ روچ ءَ بزاں سَے اپریل ءَ سرجمی ءَ بند بیت، کلاس، ٹرانسپورٹ ءُ کارگساں ھوار چکاس جاہ بند بنت –

دیمتر ءَ گوشگ بوتگ کہ جوائنٹ ایکشن کمیٹی بلوچستان شھدبرجاہ ءِ پیسلہ ءِ رِد ءَ شھدبرجاہ ءِ چیردستیں مستونگ ءِ جنگل باگ ءِ سب کیمپس، پشین، ھاران ءُ قلعہ سیف اللہ ءَ ھوار کیسواب شھدربرجاہ ءُ لاکالج ھم بند کنگ بنت –

زانگ بہ بیت کہ جوائنٹ ایکشن کمیٹی بلوچستان شھدربرجاہ ءِ ٹولی ءَ گوستگیں روچ ءَ بلوچستان شھدبرجاہ ءِ چیئرمین اپسر ایسوسی ایشن نزیر احمد لہڑی ءِ سروکی ءَ گوں بلوچستان ءِ گورنر ملک عبدالولی ءَ گند ءُ نند کتگ –

ٹولی ءِ ھمراھی ءَ پروفیسرڈاکٹر کلیم اللہ بڑیچ، شاہ علی بگٹی، فریدخان اچکزئی، نعمت اللہ کاکڑ، ارسلان شاہ، گل جان کاکڑ، سید محبوب شاھ ءُ حافظ عبدالقیوم ھوار بوتگ انت – اے ٹولی ءَ بلوچستان شھدربرجاہ ءِ ماسٹر ءُ کارکنوکانی دو ماھانی تنخواہ ءِ نہ رسگ ءُ ماسٹر ءُ اپسر ءُ کارکنوکانی جیڑھانی درگت ءَ سرپدی داتگ انت –

سال دوھزار بیست ءُ دو ءِ ایکٹ ءَ گچین بوتگیں نمائندگانی ھاتر ءَ ترامیم ءُ ایندگہ جیڑھانی سر ءَ تران کتگ – ٹولی ءَ بلوچستان گورنر ءِ منت گپتگ ءُ بلوچستان شھدربرجاہ مالی جیڑہ ءُ آھانی مدامی گیشگواری ءُ درکانودی گٹ ءَ لوپ کنگ بوتگیں وائس چانسلر درکنگ ءِ جوائنٹ ایکشن کمیٹی ءِ دیریگیں لوٹ پورا کتگ –