پاکستان پوج ءِ جارکش آئی ایس پی آر ءَ سبی ءِ دمگ ڈھاڈر ءَ میڑ راست کتگ- آئی ایس پی آر ءِ رِد ءَ ڈھاڈر ءِ لشکر کشی ءَ یک سلاہ بندیں مردمے جنگ بیتگ-
آئی ایس پی آر ءَ درشان ءِ تہ ءَ ٹاہ جتگ گوشتگ کہ سبی ءِ زرباری دمگ نوشمان ءَ پُرکاریں مردمانی یک ٍٹولی ءِ گر ءُ دار ھاتر ءَ چیریں ھالانی رِد ءَ لشکر کشی بندات کتگ-
درشان ءِ تہ ءَ ٹاہ جتگ کہ رستگیں ھالانی پُشدر ءَ گوستگیں روچ ءَ سلاہ بندیں مردمانی دستگپتگیں دمگ ءِ جتاجتائیں راہ ءُ درانی سر ءَ پیسر ءَ بستگ نشتگ اِنت- چریشی ءِ آسر ءَ سے سلاہ بندیں مردمانی یک ٹولی ءِ دیم پہ اوتاکانی نیمگ ءَ جنزگ ءَ داشتگ اَنت – اوشتارینگ ءَ پد آیاں پوج سر ءَ تیرگواری کتگ-
درشان ءِ تہ ءَ گوشگ بیتگ کہ تُرندیں تیرگواری ءِ میان ءَ یک مردمے جنگ بیتگ وھدے کہ دو ٹپی بیتگ اَنت، سلاہ گولہ شورو مڈی ھم دزکپتگ اَنت-