بلوچستان ءِ گیشتر ھَند ءُ دمگاں دْرد ھورانی دْرچ یکوئی برجاہ اَنت- گوادر ءَ آزمانی گْرند ءِ کپگ ءَ چہ یک مردمے بیران بیتگ البتہ بولان ءِ کور ءَ بستگین ادارکی پل کور ءِ آپ ءَ برتگ کہ آئی ءِ سوب ءَ بلوچستان ءُ سندھ ءِ میان دگ ءِ روگ ءُ آیگ مھتل بیتگ۔
یک روچی پیسرا بندات بوتگیں ھور گوں گْرند ءُ گِروکانی گون ءَ برجاہ ایں کہ آئی ءِ سوب ءَ بلوچستان ءِ جتاجتائیں ھَند ءُ دمگانی زندگی نزام درھم برھم اَنت، ژوب ءِ ھَند ءَ کور ءِ سوب ءَ لوگ ءِ دیوار کپگ ءَ گوں ھپت سالگیں چُک ءِ زدگ بیتگ۔
دو شمبے سُھب ءَ بندات بیتگیں دْردی ھور ءِ نوکیں رد ءِ شال ءُ آئی ءِ کش ءُ گوراں شپ ءَ بگر داں سئے شمبے ءِ روچ ءَ برجاہ بیتگ کہ ھور ءِ سوب ءَ بُندرے لھتے بھر آپ ءَ پُر بیتگ۔
ھور ءِ آپ آبادی ءُ ھاس لھتے کُوچکی میتگاں ءَ پُترتگ البتہ کور ءِ ترندی سوب ءَ شھر ءِ کَش ءُ گوراں جھمندیں آبادی ءَ را ھتَر بیت کنت ایں۔
پرگِنگ ءِ جتا جتائیں ھند ءُ دمگاں رس اتگیں اھوالانی در ءَ ژوب، لورالائی، پشین، چمن، قلعہ عبداللہ، ٹوبہ اچکزئی، زیارت، دُکی، قلعہ سیف اللہ، قلات، مستونگ، خضدار، سبی، بولان، لسبیلہ، نصیرآباد، کچھی، دالبندین، تفتان، نوشکی، گوادر ءُ مکران ءِ ڈویژن بلائین بہر ءِ دْرد ھورانی سوب تباہی ءَ مانشانتگ۔
اے ھَند ءُ دمگانی مردم گوستگیں روچ ءَ ترندی ھئورانی ءُ سیلابانی دیمپان بیتگ انت ءُ اگاں ھئور ءِ نوکین دْرچ ءِ بندات بوت گراں اے وھد ءُ ھالاتانی دوبر ءَ دیمپان بوگ باز گران کپیت ایں۔
بولان ءِ کور ءِ سر ءَ پنجرہ پل کہ گوستگیں روچ ءَ سیلاب ءِ سوب ءَ کور ءِ آپ برتگ یک رندے پد ءَ آسر ءَ دیمپان بیتگ چیاکہ نیشنل ہائی وے اتھارٹی ءِ جوڑ کرتگیں ادارُکی پل آپ ءَ برتگ، کہ آئی ءِ سوب ءَ سندھ ءُ بلوچستان ءِ میان ءَ ھرچ ڈولین روگ ءُ آیگ بند بیتگ۔
ڈپٹی کمشنر سمیع اللہ آغا کچی ءَ ما رسانکدار گوشتگ کہ بولان ءِ شاہراہ بولان کور ءَ ترین ھار ءِ سوب ءَ بند کنگ بیتگ۔
آئی ءَ گیشتر گوشتگ کہ ٹرانسپورٹرز ءُ ایندگہ مردم آھوکیں ھُکم داں شال ءُ سبی ءِ دگ ءَ مساپری مہ کن آں۔
سمیع اللہ آغا گوشتگ کہ دگ ءَ ٹریفک پچ بوگ ءِ ھاتر ءَ کم چہ کم 48 ساھت لگیت ایں، لیولیز کارمند، پی ڈی ایم اے کاریگر، ءُ ایندگہ بندوکین واکدار اے جاورھال ءِ چار ءُ بچار کنگ ءَ ھاتر ءَ ہائی وے دگ ءِ سر ءَ ساڑی اَنت۔
واکدارانی در ءَ کوہھلو ءُ ڈیرہ بگٹی ءَ ھَند ءُ دمگاں اوں بے کساس ھئور بوھگ ءَ ایں کہ آئی ءِ سوب ءَ نصیرآباد ڈویژن ءُ لھڑی ءُ ایندگہ کُوراں ترندی ھار آتک کنت ایں ءُ اے ھند ءُ دمگاں رون ءَ ھاتر تیاری دان ءَ را نقصان رس ات کنت ایں۔
چہ کوھلو ءَ رس اتگیں اھوالانی در ءَ ھئور ءِ آپ مردمانی آبادی تہ ءَ پُترتگ ءُ کوہلو ءُ ڈیرہ غازی خان میان ٹریفک دگ ءِ تاوان بار بیتگ۔
ژوب ءِ راہ شال ءِ ڈیرہ اسماعیٰل خان ءِ شاہراہ تْرندیں ھور بیتگ کہ آئی ءِ سوب ءَ ٹریفک تاوان بار بیتگ ءُ اھوالانی در بازیں کساس ءَ کوچ ءُ گاڑی جتائیں جاہ پستگ ات اَنت۔
چمن، قلعہ عبداللہ، ٹوبہ اچکزئی ءُ پشین ءِ ھند ءُ دمگاں ءَ کچائیں لوگاں ءَ تاوان رس اتگ کہ اود ءَ چہ مردماں ءَ سلامتی جاہ ءَ برگ بیتگ۔
بلوچستان ءِ وزیر ضیا اللہ لانگو ءَ اے بابت ءَ دی ایم اے واکدار گومہ گپ ءُ تران کتگ ءُ دْردیں ھئورانی جاورھالانی سر چمشانک داتگ، مجلس ءَ جاورھالانی پروش دیگ ءِ سر ءَ اَمل کنگ ءِ گامگیج زورگ بیتگ۔