روکپتی بلوچستان ءِ دمگ سراوان ءَ سلاہ بندیں مردمانی تیرگواری ءَ یک ورنایے بیران بیتگ-
گیشیں ھالانی رد ءَ سراوان دزک ءَ ناشناسیں مردماں تیرگواری کرتگ ءُ یک ورنایے زدگ کتگ، ءُ آ زدگیں جاوراں نادراہ جاہ ءَ سر کنگ بیتگ کہ اود ءَ آئی ءَ وتی ساہ داتگ اَنت-
بیران بیتگیں ورناہ ءِ پجار مھمد کریم سپاھی ء دلمراد جھمنند جالق ءِ نام ءَ زانگ بیتگ کہ آئی ءِ اُمر نوزدہ سال گوشگ بوگ ءَ اِنت –
اھوالانی تہ ءَ گوشگ بیتگ کہ مھمد کریم سپاھی ءِ سر ءَ ھما وھد ءَ تیرگواری کنگ بیتگ کہ نیکراھی تبلیگیانی واستا کار ءَ بیتگ-
ھالانی تہ ءَ گوشگ بیتگ کہ اود ءَ آئی ءِ گردن ءَ تیر لگ اتگ ءُ چریشی ءَ آ زدگ بیتگ ءُ نادراہ جاہ ءَ سر کنگ بیتگ کہ اود ءَ آئی ءَ وتی ٹپ نہ سگ اتگ ءُ ساہ داتگ اَنت-
وئیل ءِ سبب زانگ نہ بیتگ ناکہ انتزامیہ ءِ نیمگ ءَ وئیل ءِ بارو ءَ دگہ گپ گوشگ بیتگ اَنت-