بلوچستان ءَ تیرگواری ءَ دگ وئیل آسر ءَ یک مردمے بیران، ھپت ٹپی بیتگ اَنت

بلوچستان ءِ جتاجتائیں دمگاں دگ ءُ تیرگواری ءِ آسر ءَ یک مردمے بیران ءُ ھپت ٹپی بیتگ اَنت-

گیشیں ھالانی رِد ءَ لورالائی ءَ شال دگ ءَ عوامی نیشنل پارٹی کارگس ءَ ناشناسیں سلاہ بندانی تیرگواری ءَ چہ محبوب خان اتمانخیل بیران بیتگ-

پولیس ءَ لاش چست کتگ نادُراھجاہ ءَ برتگ اود ءَ گیشیں چار ءُ ٹپاس ءَ پد لاش کھول ءَ داتگ، گیشیں پٹ ءُ پول برجاہ ءَ اِنت-

دومی نیمگ ءَ مکران کوسٹل ھائی وے کنڈملیر ءِ ھند ءَ کوچ ءُ ٹرک میان ءَ ڈک ورگ ءَ چہ شش مردم ٹپی بیتگ اَنت-

وئیل اوتھل ءَ چہ کساس 135 کلومیٹر دیر کوسٹل ھائی وے سر ءَ نامی ئیں تیابی دپی سیل سواد ھند کُنڈ ملیر ءَ بیتگ ٹپیاں ھوار دو مردم ءِ جاور نگیگ گوشگ بوگ ءَ اَنت-

ٹپی دمگی نادُراھجاہ ءَ دو درمان کنگ ءَ پد کراچی ءَ برتگ اَنت-

ھمے وڑ لیویز گوشگ رِد ءَ منگچر ءَ سلاہ بندیں مردماں تیرگواری کتگ ءُ عبدالطیف ء حاجی سلطان محمد حسنی جھمنند نگور گھریزئی منگچر ٹپی کتگ- وئیل ھال رسگ ءَ ایس ایچ او لیویز تھانہ منگچر علی اصغر نیچاری ءُ لیویز فورس وئیل جاہ ءَ سر بیتگ اَنت-

ٹپی آر ایچ سی مندے حاجی ءَ چہ دوا درمان کنگ ءَ پد شال ءَ برگ بیتگ گیشیں پٹ ءُ پول لیویز کنگ ءَ اِنت، وئیل وت ماں وتی ٹکی جیڑھے گوشگ بوگ ءَ اِنت-