سندھ ءِ بنجاھی شھر کراچی ءَ پنجگور ءِ جھمنندیں مردمے سلاہ بندیں مردمانی اُرش ءَ بیران بیتگ۔
ٹی بی پی اھوال پترءَ سر بیتگیں ھالانی ردءَ دو روچ پیسر کراچی ءِ ھنکین یوسف گوٹھ ءَ پرپٹ سواریں ناشناسیں سلاہ بندیں مردماں بلوچستان ءِ دمگ پنجگور ءَ سیادی داروکیں نورمحمد پنام ساقم ء حافظ عبدالغفور تیرگواری کُتگ ءُ کُشتگ۔
اُرش ءَ پد سلاہ بندیں مردم تچگ ءَ سوبمند بیتگ اَنت۔ بیران بیتگیں مردم پنجگور ءِ ھند شاپاتان ءِ جھمنند اِنت ءُ آئی سرءَ ھما وھدءَ اُرشکنگ بیتگ وھدے آ یک دوکان ئے ءَ نشتگ بیتگ۔
وئیل ءِ پشدر داں انگت زانگ نہ بیتگ اَنت وھدیکہ واکداریں ادارگ اے بابت ءَ پَٹ ءُ پول کنگ ءَ اَنت۔