مکہ “کلاک ٹاور “جمبراں مانپوش اتگ، اے دلکشیں ندارگ چاگردی ترامجاھاں شنگ

سعودی عرب مکہ مکرمہ ءَ مکہ کلاک ٹاور جمبراں مانپوش اتگ، اے دلکشیں ندارگ اکس چاگردی ترامجاھاں شنگ ءُ تالان اِنت –

اکسانی توک ءَ گندگ بیت اِنت جمبراں مانپوش اتگیں کلاک ٹاور ءَ چہ رژن درایگ ءُ ڈن ءَ تالان بوگ ءَ اِنت-

گچینی اکسکاراں اے پوٹو وتی کیمرھاں گپتگ ءُ چاگردی ترامجاھاں شنگ کتگ-

العربیہ نیٹ ءِ رد ءَ چاگردی ترامجاھانی کارمرد کنوکانی اے اکس اجب رنگے ءَ دیم ءَ شتگ-

زانگ بپ بیت مکہ مکرمہ ءِ ٹاور ءِ بنھشت سال دوھزار ءُ ھشت ءَ رمزان ءِ ماہ ءَ کنگ بیتگ-

اے گھڑی ءِ پراھگی پھنات چِل میٹر اِنت برزی چارسد میٹر اِنت ءُ ھرچاریں نیمگاں اے گھڑی گندگ بیت اِنت ءُ ایشی ءِ کساسی وزن سِی ءُ شش ھزار اِنت-

اے گھڑی ءِ سر ءَ “اللہ ” ءِ نام ءِ دروشمیں چیز نبشتگ کنگ بیتگ ءُ ایشی ءِ میان ءَ تلوار ءُ مَچ ءِ اکس جوڑ اَنت-

مکہ مکرمہ پہ مسلمانان گچینی جاھے زانگ بیت اِنت کہ اود ءَ ھمک سال ءَ ھزارانی مھلوک پہ تاھت ءَ رو اَنت ءُ وتی نیکراھی واھشتاں سرجم کن اَنت-