زاھدان: پانزدہ روچ ءَ پیش آس ءَ گپتگیں زھگ ءَ ھاسین درمانی نہ بیگ ءَ بیران

روکپتی بلوچستان ءِ بنجاھی شھر زاھدان ءَ پانزدہ روچ ءَ پیش آس ءَ سوتکگیں زھگ ءَ وتی سوتکانی درد نہ سگگ اتگ ءُ بیران بیتگ-

بیران بیتگیں زھگ ءِ پجار اویس جھمنند ھاش ءِ نام ءَ زانگ بیتگ –

ھالانی رد ءَ اویس گوستگیں پانزدہ روچاں پیش آس ءَ گپتگ ءُ سوتکگ ءُ چریشی ءَ پد آ چہ ھاش ءَ دیم پہ امام علی نادراہ جاہ زاھدان ءَ برگ بیتگ –

پانزدہ روچ ءِ تھتیگی ءَ پد اود ءَ آئی ءَ وتی ساہ داتگ اَنت – سر بیتگیں اھوالانی تہ ءَ گوشگ بیتگ کہ دمگی مردمانی رد ءَ اویس ءَ را ھاسیں درمانی کنگ نہ بیتگ کہ چریشی ءَ آ گیش ناگیگیں جاورانی دیمپان بیتگ ءُ آئی ءَ وتی ساہ داتگ-

ھالانی تہ ءَ دمگی مردمانی رد ءَ اویس ءِ جاندراھی ءَ ڈاکٹر ءُ بیمارستان ءِ واکداراں سُستی درپیش کتگ ءُ اود ءَ پانزدہ ءِ روچ ءِ تھتیگ بیگ ءَ پد اویس ءِ ٹپ درمان کنگ نہ بیتگ اَنت-