ڈرون اُرش ءَ پد امریکہ ءَ برزی بیڑ برگ ءُ شام ءَ چاردہ جنگول کشتگ انت

امریکہ ءَ شام ءِ رودراتک ءَ دہر الزور ءَ نشانگ کنوکیں برزی اُرشاں ایران ءِ پلامرزی کنوکیں چاردہ جنگولانی کُشاگ ءَ پد دمگ ءَ وتی پوج ایرگپتگ ءُ پھریزی ءَ کنگ ءَ اِنت-

عرب نیوز ءِ رد ءَ نوکتریں ھونریچی ھما وھد ءَ بندات بیتگ کہ وھدیکہ ایرانی وتکش ڈرون ءَ ھساکہ ءِ نزیک ءَ داعش بگیردارین ھمسنتانی یک بنجلے نشانگ کتگ – پشمبے ءِ روچ ءَ بیتگیں اے اُرش ءَ امریکہ ءِ یک کنٹریکٹرے کُشگ بیتگ ءُ یل کنٹریکٹر ءُ امریکہ ءِ پنچ لشکری کارندہ زدگ بیتگ اَنت-

سروک جوبائیڈن ءَ رودراتکی شام ءَ پاسداراب انکلاب ءِ کور ءَگون سیادی داروکیں ٹولی ءِ کارمردی کارداری ءِ سر ءَ برزی اُرش کنگ ءِ ھکم داتگ-

امریکہ ءِ وزیر دفاع لائیڈ اسٹن ءَ گوشتگ کہ برزی اُرش پشمبے ءِ روچ ءَ اُرش ءِ ھواری ءَ پاسداران انکلاب ءَ سیادی داروکہں ٹولیانی نیمگ ءَ ھمسنتی لشکر ءِ ھلاپ ءَ گوستگین اُرشانی یہ بیرے گرگ بیتگ-

برتانیہ ءَ شام ءِ سر ءَ نگاہ ایرکنوکیں گل سیریئن آبزورویٹر فار ھیومین رائٹس ءَ گوشتگ کہ امریکہ ءِ برزی اُرش ءَ چاردہ مردم.کشگ بیتگ اَنت کہ ایشانی توک ءَ نُھ کسانی سیادی شام ءَ اِنت-

آبزرویٹری ءِ سروک رامی عبدالرحمان ءَ گوشتگ کہ امریکہ ءِ اُرشاں دیر الزور شھر ءِ تہ ءَ سلاھانی یک ڈپوے نشانگ کتگ ءُ ایران ءِ پلامرزی کنوکیں شش جنگول کشگ بیتگ اَنت ءُ دو جنگول المیادین ءِ ریک ءَ نشانگ کنگ بیتگ انت ءُ دگہ شش البو کمال ءِ نزیک ءَ نشانگ کنگ بیتگ اَنت-

جنگی بیڑانی درچ اے آدینگ ءِ روچ ءَ ھم برجاہ بیتگ اَنت شام ءَ العمر آئل فیلڈ ءَ امریکہ ءِ بنجل ءِ سر ءَ میزائل آس داتگ –

وائٹ ھاؤس ءِ راجمان پتر ءِ سلامتی داروک ءِ جارکش جان کربی ءَ گوشتگ کہ اے اُرش گیر آسرمند بیتگ ءُ چریشی ءَ چہ ھچ تاوان نہ بیتگ-