بلوچستان: نامداریں اکسکار ءِ چاردہ سال ءِ سپر ءَ آئی ءَ وتی اکسانی بھا کنگ جار جتگ

بلوچستان ءِ دمگ کیچ مند ءَ سیادی داروکیں بلوچستان ءِ نامداریں اکسکار کمانچر بلوچ ءَ وتی پیس تاک ءَ اکسانی بھا کنگ ءِ جار جتگ –

کمانچر بلوچ ءَ وتی پیس بک تاک ءَ گوشتگ کہ من ءَ اے سپر ءَ چاردہ سال سرجم بیتگ کہ من بلوچستان ءِ ھمک چھرگ وتی کساس ءَ دیم ءَ آورتگ ءُ سینگار کتگ اَنت-

کمانچر بلوچ پیس تاک ءَ گوشتگ کہ من یک نودربر ءُ اکسکارے ءَ اے ھرچ مردم ءَ زلوری اِنت کہ آ وتی کار ءِ تہ ءَ الم آئی ءَ ھرچ ءُ درچ درکار بنت-

کمانچر بلوچ ءَ وتی اکسکاری ءِ لھتے ما شوک ءُ سینگارتگیں پریمانی توک ءَ کتگ ءُ آیانی نھاد ایر کتگ اَنت –

آئی ءَ وتی پیس بک تاک ءَ گوشتگ کہ من اے اکساں ھما نھاداں بھا کن آں کہ اے نھاد منی اکسکاری ءِ واستا ڈکے بہ گر اَنت –

کمانچر بلوچ بلوچستان ءِ ھما نامداریں اکسکاراں چہ یکے زانگ بیت اِنت کہ آئی ءَ تنی وھدی شش ھزار ءِ کساس ءَ اکس گپتگ ءُ وتی پیس بک تاک ءَ تالان کتگ اَنت –

آئی ءَ وتی سپر چاردہ سال ءَ بلوچستان ءِ ھما پشکپتگین دمگے ءَ بندات کتگ کہ اود ءَ مھلوک وتی زند ءِ ھمک روچی آسراتیاں ھم زبھر اَنت-

اگاں یک اکسکارے ءِ اکس بھا بہ بنت ءُ آئی ءَ اکسکاری ءِ شریں نھاد بہ رس اَنت گڑا آ گیشتر اکسکار کت کنت ءُ مھلوک ءَ سرکت کنت بلے اگاں چوشیں اکسکارانی اکس ھمے وڑ ءَ بے نھادی ءَ ایر بہ بنت گڑا پراھی ءَ ءُ آئی ءِ چاروکاں اکسکاری ھم آسر بیت کُت کنت-

کمانچر ءِ پیس تاک ءِ لنک