ھاران : مھراللہ یلانزئی کوش زمہ واری بی ایل ایف ءَ منّ اِتگ

بلوچستان لبریشن فرنٹ ءِ جارکش میجر گْوھرام بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ بی ایل ایف ءِ سرمچاراں مروچی ساھت چار ءَ ھاران بازار ءَ سبزی منڈی ءَ ریاستی چاریگ مھراللہ یلانزئی نشانگ کتگ ءُ کُشتگ- اے ریاستی بازیں وھدے ءَ چہ پاکستانی پوج ءِ ھاتر ءَ چاریگری کنگ ءَ بیتگ-

آئی ءَ گْوشتگ کہ مھر اللہ یلانزئی ء سھراب وتی سنگتانی ھمراھی ءَ ھوار بیتگ ءُ بلوچانی چست کنگ ، لوگانی نشان ءُ بازیں پوجی لشکر کشی ءَ ھمگرنچ بیتگ اَنت – آ ھاران ءِ دمگاں تَنک، کلّگ، گواش ءَ دُزی ءُ ڈُنگی ءَ ھم ھمگرنچ بیتگ-

آئی ءَ گْوشتگ کہ ریاستی چاریگ گل ءِ نیمگ ءَ چہ باز ءَ رند ءَ کڈّن کنگ بیتگ کہ آ دُزمنیں ریاست ءَ ھاتر ءَ کار کنگ ءَ یل بکنت بلے آ وتی کرداراں چہ یک کر نہ بیتگ-

میجر گْوھرام بلوچ ءَ گْوشتگ کہ مردم زورگریں پوج ءِ ھاتر ءَ چاریگی ءُ کمکاری ءَ یک کر بہ بنت اگاں ناں گُڑا آیانی گوم ءَ زورگریں پوج ءِ دروشم ءَ رویشگ کنگ بیت-