سعودی وزارت ھارجہ ءَ گوشتگ کہ شام ءِ گون ءَ سپارتی سروسز ءِ پچ کنگ ءَ گپ ءُ تران بوگ ءَ اِنت – بازین سالاں چہ ھردوکیں ڈیھانی سیادی دوری ءِ آماچ بیتگ اَنت-
الاخباریہ چینل ءِ رد ءَ دپتر ھارجہ ءِ یک واکدارے ءَ گوشتگ کہ شام ءُ سعودی ءِ مھلوک ءِ ھاتر ءَ قونصلیٹ سروسز ءِ پیدا کنگ ءِ آسانی ءَ سعودی عرب، شامی واکدارانی گون ءَ قونصلیٹ سروسز ءِ پچ کنگ ءَ گپ ءُ تران کنگ ءَ اَنت-
چریشی ءَ پیش سَے جتا جتائیں مردماں روئٹرز ءَ را گوشتگ کہ شام ءُ سعودی عرب ءِ یک وھدے ءَ داں گیش ھردوکانی سپارتی تک بند بیتگ اَنت ءُ چریشی ءَ پد نوکی بندات بوگ ءَ اَنت-
اے گامگیج عرب ءِ وھدان شام ءَ واتر گون وت ھوارینگ ءُ ھم ھمسنت ءَ برگ نوکیں گامگیجے – زانگ بہ بیت کساس دو ھپتگ ءَ پیش سعودی عرب ءُ ایران ءِ گون ءَ ھپت سالی ئیں دلرنجی ءَ پد سپارتی سیادی ءُ سپارتجاھانی سرجم کنگ ءَ تپاک بیتگ اَنت- اے پیسلہ چین ءِ چیر دستی ءَ کنگ بیتگ –