چین ءِ سروک ءِ واتری ءَ یوکرین ءِ سر ءَ روس ءِ ڈرون اُرش

وھدیکہ روس ءِ سروک ءَ وتی مھروان ءُ چین ءِ سروک شی جن پنگ ءَ رُکست کنان ءَ دومی نیمگ ءَ یوکرین ءِ سر ءَ روس ءِ میزائل ءُ ڈروناں گوارگ بندات کتگ-

برتانیہ ءِ ھال سر کنوکیں ادارہ روئٹرز ءِ رد ءَ چارشمبے ءِ شپ ءَ روس ءَ یوکرین ءِ یک اپارٹمنٹے میزائلانی گوں ڈروھینتگ ءُ شھر ءِ جتا جتائیں ھلکاں اُرش کتگ-

یوکرین ءِ زرباری شھر زاپوریژیا ءَ دو جتا جتائیں ماڑیانی سر ءَ کپتگیں آس توسگ بیتگ بلے اود ءَ واکدارانی گوشگ اِنت دو میزائل اُرشاں یک مردمے بیران بیتگ ءُ سِی ءُ سَے زدگ بیتگ اَنت-

ریجنل پولیس ءِ چیف اینڈری نیبیٹوف ءَ گوشتگ کہ کیئف ءِ زرباری کور ءِ لمب ءَ یک میتگے ءَ دو ھاسٹل ءُ یک کالجے ءِ سر ءَ ڈرون اُرش ءَ پد ھشت مردن بیران ءُ ھپت زدگ بیتگ اَنت-

یوکرین ءِ سروک ولادیمیر زیلنسکی ءَ ٹویٹ کنان ءَ گوشتگ ’ دنیا ءَ روس ءِ ناشریانی پروش دیگ ءُ مردمانی رکینگ ءَ ھمسنت ءُ پُر جوش بوگی اَلمی اِنت‘- آئی ءَ یک تامر بندے شنگ کنان ءَ گوشتگ کہ چریشاں یک ماڑی کپگ ءَ گندگ بیتگ –

زاپوریژیا ءَ یک گوازی جاھ ءُ گاڑیانی پارک کنگ ءِ جاھے ءَ شیشگ کپتگ ءُ تباہ بوتگیں گاڑی ھم گندگ بیتگ اَنت-

بیست ءُ چار سالی ئیں ایوان نالی وائیکو ءَ گوشتگ کہ وھدیکہ من ڈن ءَ درکپتگ آں گڑا تباھی بیتگ مردم گریوگ ءَ بیتگ آں پد ءَ تیرگواری ءُ ٹوپانی توار بیتگ ھمے وھد ءَ ریسکیو ءِ کارمند رس اتگ اَنت-

شپ ءَ بنجاھی شھر ءُ گوریچانی یوکرین ءِ لھتے ھداں سائرن جنگ بیتگ پوج ءِ گوشگ اِنت آیاں بیست ءُ یک ءُ شانزدہ ایرانی وتکش ڈرون جتگ ءُ دور داتگ اَنت-

سروک ولادیمیر زیلنسکی ءَ شپ ءَ گوشتگ کہ ڈونباس ءِ شھر ءَ گندگ بیتگ کہ اود ءَ مردم تکلیف ءِ توک ءَ اَنت اود ءَ روس ءَ بربادی آورتگ –

میان اُستمانی ٹولی ءَ بھتام جنان ءَ گوشتگ کہ یوکرین ءِ گھتری ءَ چار یازدہ ارب ڈالر ھرچ بیت اِنت – دومی نیمگ ءَ میان اُستمان ءَ گوشتگ کہ جوھری ایجنسی ءِ سروک ءَ گوشتگ کہ یوکرین ءِ زاپوریژیا پاور پلانٹ ءِ جاور ھال ھمے ماہ ءَ روسی میزائلاں پد ترس ءِ توک ءَ اِنت-

میان اُستمانی ایٹمی توانمندی ایجنسی ءِ سروک رافیل گروسی ءَ گوشتگ کہ نھ مارچ ءَ روس ءِ اُرش ءَ پد پلانٹ ءِ پد ما پدی یَ پاور لائن ءِ سر ءَ کپتگ اَنت ءُ رافیل گروسی ءَ گوشتگ کہ جوھری سکیورٹی پھریزی ءَ نہ اَنت-