چہ ھزدار ءَ دو ورناہ بیگواہ

بلوچستان ءِ دمگ ھزدار ءَ پاکستانی پوج ءُ چیرین ادارھانی کارندھاں و ورنایانی گساں گوستگیں روچاں بیڑ برتگ-

ٹی بی پی ءَ سر بیتگیں ھالانی رد ءَ گوستگیں شپ ءَ ھزدار ءِ دمگ کھنڈ ءِ ھند ءَ پاکستانی پوج ءُ چیریں ادارھانی کارندھاں خالد ء محمد حسن ءُ آصف ء عبداللہ وتی لوگاں ساھت دو ءَ آوار جتگ ءُ برتگ اَنت ءُ چریشی ءَ پد آیانی درگت ءَ ھچ وڑیں اھوال نیست اِنت-

دمگی مردمانی رد ءَ خالد کراچی ءِ نندوک اِنت کہ وتی سیادانی چارگ ءَ لھتے روچ پیش اتکگ بیتگ ءُ ھردوکین ورنا نودربر اَنت – واکداراں وئیل ءِ بارو ءَ دگہ ھچ گپ دیم ءَ نیاؤرتگ اَنت-

بلوچستان ءَ زورانسری آوار جنیانی توک ءَ گیشی اتکگ کہ اود ءَ ھمک روچ مردمانی بیگواھی ءِ اھوال آیگ ءَ اَنت-

ٹی بی پی ءِ کچ ءُ کساسیں رداں مارچ ءِ بنداتی دو ھپتگانی توک ءَ چہ بلوچستان ءَ سِی ءُ چار کس زورانسری آوار جنگ ءُ بیگواہ کنگ بیتگ اَنت کہ چریشانی توک ءَ یازدہ مردم یل کنگ بیتگ اَنت ءُ سَے کسانی لاش دزکپتگ –

گوستگیں روچ ءَ گوادر ءَ ھک دو تھریک ءِ زالبولانی نیمگ ءَ روانک کشگ بیتگ کہ اود ءَ بیگواھیں مردمانی یل کنگ ءِ لوٹ کنگ بیتگ اَنت – زھرشانی کنوکاں ماھل بلوچ ءِ آوار جنی ایر جتگ ءُ یل کنگ ءِ لوٹ کتگ-

ھمے وڑ ءَ نیشنل ڈیموکریٹک پاٹی شال زون ءِ نیمگ ءَ پریس کانفرنس کنگ بیتگ ءُ بلوچستان ءَ وانگی پھناتاں ھوار دگہ جیڑھاں ھوار ھوار ماھل بلوچ ءِ زورانسری آوار جنء ءِ بارو ءَ سرپدی داتگ اَنت-

این ڈی پی ءِ رھشونانی رد ءَ بلوچ زالبول ءَ چار براں ریمانڈ ءَ برگ ءُ کانونداری ءِ نام ءَ لٹ ءُ کُٹ ءُ کنگ –