آئی ایس پی آر ءَ ماں آواران ءَ سَے سلاہ بندیں مردمانی جنگ ءِ ٹاہ داتگ

پاکستانی پوج ءِ جارکش آئی ایس پی آر ءَ بلوچستان ءِ دمگ آواران ءَ بیڑے ءِ میان ءَ بلوچ سلاہ بندیں سے سرمچارانی جنگ ءِ ٹاہ داتگ –

آئی ایس پی آر ءِ درشان ءِ رِدءَ بلوچستان ءِ دمگ آواران ءِ زرباری دمگاں پانزدہ مارچ ءَ بیڑ بندات کتگ –

درشان ءِ تہ ءَ گوشگ بوتگ کہ جنگ بوتگیں مردماں تربت ءُ آواران ءِ دگانی سر ءَ بازیں اُرشے کتگ بوتگ –

آئی ایس پی آر ءِ رِد ءَ اے ٹولی ءَ بازیں جاھاں باز براں سنگر بستگ ءُ نشتگ انت، انٹلی جنس ءِ ھال دیگ ءَ پد آپریشن ءِ میان ءَ پھازگی لشکر ءَ سَے سلاہ بندیں مردم ھما وھد ءَ انگر ءَ کتگ انت وھدیکہ وتی اوتاک ءِ نیمگ ءَ روگ ءَ بوتگ انت –

درشان ءِ تہ ءَ گوشگ بوتگ آھاں تچگ ءُ روگ ءِ کوشست کتگ ءُ ھردو نیمگاں تیرگواری کنگ بوتگ – چہ تیرگواری ءَ سَے سلاہ بند جنگ بوتگ انت کہ آھانی گور ءَ بازیں کچے ءَ سلاہ ءُ شورہ دستیگ کتگ انت –

بلے تنی وھدی آئی ایس پی آر ءَ آھانی نام زاھر نہ کتگ انت –