امریکہ ءُ برتانیہ ءَ پد نیوزلینڈ ءَ ھم چین ءِ ایپس ٹک ٹاک ءِ سر ءَ بندش جتگ

درملکی رسانکدراں سر بوتگیں ھالانی رِد ءَ ایندگہ ڈیھانی ھمراھی ءَ نیوز لینڈ ءَ ھم سیکورٹی ءِ سوب ءَ سرکاری ازبانی تہ ءَ ویڈیو شئیرنگ ایپس ٹک ٹاک ءِ سر ءَ بندش جتگ –

ٹک ٹاک ءِ سر ءَ درساں پیش سال دوھزار بیست ءَ بھارت اشی ءِ سر ءَ بندش جتگ ءُ پرے زیتاں سائبر سیکورٹی ءِ دلگوش دیان ءَ کینیڈا ، آسٹریلیا، برتانیہ ءُ امریکہ ءِ سرکار ءَ سرکاری ازبابانی تہ ءَ چین ءِ کمپنی بائٹ ڈانس ءِ ویڈیو شیئرنگ ایپس ٹک ٹاک ءِ سر ءَ بندش جتگ بوتگ ءُ ھنو تاں سِی ءُ یک مارچ ءَ نیوز لینڈ ءِ پارلیمانی نیٹ ورک ءَ سر بؤکیں درسیں ازبابانی تہ ءَ ٹک ٹاک ءِ سر ءَ بندش جنگ بیت اِنت –

نیوز لینڈ ءِ پارلیمان سروک رفائل گونزالویز مونٹرو ءَ گوشتگ کہ سائبر سیکورٹی ءِ زانتکارانی گوشگ ءَ پد اے پیسلہ زورگ بوتگ – آئی ءَ گوشتگ کہ ھما مردم اے ایپس ءَ کارمرز کنگ ءَ بوتگ انت پہ آھاں ھمے دابیں ایپس ءِ جوڈ کنگ ءُ دیگ بیت –

سائبر سیکورٹی کمپنی ءِ سائبر سی ایکس ءَ گوشتگ کہ نیوز لینڈ ءِ سیکورٹی ءِ پھازگ ھاسکر کانود سازی چیریں رازانی سوب ءَ اشی ءِ سر ءَ بندش جنگ بوتگ –
آھانی گوشگ انت کہ اگاں ٹک ٹاک چین ءِ مپاداتی ھاتر ءَ کارمرز بہ بیت گڈا مئے سیکورٹی اسرمند بوت کنت- مارا ٹک ٹاک ءَ ابید ایندگہ درملکی ٹیکنالوجی چار ءُ ٹپاس کنگی انت ما ھمینچو گیش درملکی ٹیکنالوجی کارمرز کنیں مئے ملک ءِ سیکورٹی ءِ سر ءَ ھترہ گیش بنت –