زرباری وزیرستان: ڈرون اُرش، دو چُک بیران

پاکستان ءِ ٹکی دمگ زرباری وزیرستان اھوالانی در ءَ زنگاڑہ ءِ ھند ءَ یک دوکانے ئے سر ءَ چہ ڈرون اُرشے ءَ دو چُک بیران بیتگ اَنت۔

دمگی مردمانی گشگ انت کہ سراروغہ نادرھجاہ ءَ دو کسان سالیں چُک باز ٹپ ءُ ٹوریں دورشم ءَ آرگ بیتگ انت کہ چہ گیشیں ٹپانی سوب ءَ بیران بیتگ انت۔ دمگی مردمانی گشگ انت کہ چُک دکان ءِ ڈن ءَ بیتگ انت۔

پشتون تحفظ موومنٹ ءِ سروک منظور پشتین ءَ چاگردی رسانک ٹوئیٹر ءَ وتی شنگ کرتگیں درشانے ءَ گشتگ کہ دمگ ءَ اَھوالی رسانک نہ بوگ ءِ سوب ءَ گیشیں ھال ءُ اھوال نہ بوگ ءَ اِنت کہ چنچوں دگہ جانی تاوان بیتگ انت –

آئی ءَ گشتگ کہ پی ٹی ایم ءِ وزیرستان ءِ یک ٹولی ھمے ھند ءُ دمگ ءَ دیم دیگ بیتگ ءُ زوت تیوگیں اَھوال شنگ کنگ بنت اِنت۔

منظور گشگ اِنت کہ ڈالری جنگ ءِ بندات بیتگ ءُ پشتون بیلٹ ءِ جتاجتائیں ھند ءُ دمگاں جتا جتائیں دروشماں جون دست کپگ ءَ انت۔ السی بنیات ءَ تْرندی گون ءَ اے وئیلانی بگیری ءِ جار ءَ جَن ایں۔

بی بی سی پشتو ءَ ھمگرنچیں تاکار طاہر خان ءِ رد ءَ زرباری وزیرستان ءِ دمگی مردمانی گشگ اِنت کہ 15 مارچ ءِ شپ ءِ وھد ءَ سراروغہ بنجائی نادرھجاہ چہ زنگڑہ میتگ ءَ دو چُک الہام اللہ ءُ شاہد اللہ یے جون آرگ بیتگ انت۔

چکانی گون ءَ ھند ءُ دمگی مردم آتکگ انت آیانی گشگ ایں کہ زنگڑہ ءِ ھند ءَ ڈرون اُرش سوب ءَ دو چُک بیران بیتگ انت –

پاکستانی سنیٹ ءَ چہ جماعت اسلامی ھمگرنچیں مشتاق احمد ءَ اے وئیل ایر جتگ ءُ گشتگ کہ زرباری وزیرستان ءِ دمگ لدھا ءِ ھند زنگاڑہ خدوخیل مارکیٹ ءَ ڈرون اُرش ءَ چہ پنچ سالی دو کسان چُک بیران بوھگ ءَ ھال اِنت-

آئی ءَ گیشتر گشتگ کہ سیکورٹی ادارگ گیشوار بہ کن اَنت، چہ ڈرون اُرشاں لس مھلونک بیران بوھگ ءَ انت، پختون سرڈگار ءَ را ڈالر ءِ ھاتر ءَ پد ءَ ھون ءُ آس نیمگ ءَ کشگ بوھگ ءَ اِنت، اے کابل ءِ کبول نہ انت، اے راہ ھرچ ڈول ءَ دارگی انت۔