بلوچستان ءِ دمگ نوشکی ءَ پولیس گاڑی یے سر ءَ بمب اُرش کنگ بیتگ، وھدیکہ کوھلو ءَ سلاہ بندیں مردمانی تیرگواری ءَ یک مردم مے بیران بیتگ۔
سر بیتگیں ھالانی ردءَ نوشکی ءَ ناشناسیں مردماں دستی بمب اُرش ءَ پولیس ٹولی نشانگ کتگ۔
دی بلوچستان پوسٹ اَھوال پترءَ رستگیں ھال ءِ رد ءَ بلوچستان ءِ دمگ نوشکی ءَ پولیس وین ءِ سرءَ دستی بمب اُرشے کتگ کہ پولیس وین نزیک ءَ گوں زوردارین شورھاں ترکیتگ۔
ناشناسیں مردمانی نیمگ چہ پولیس ءِ سر ءَ نوشکی بازار ءِ نزیک ءَ اُرش کنگ بیتگ، البتہ اے اُرش ءَ پولیس ءِ کارمندہ کراماتی رد ءَ پھریزتگاں۔
تراکءَ پد پولیس ءَ ھند ءُ دمگ کپتگ ءُ چپ ءُ چاگردے راہ ءُ دگ بستگاں ءُ ترندی ءَ گوں چِک ءُ تان بندات کتگ۔
یات کنگ بہ بیت اے وئیل ءَ چہ پیسر نوشکی شھر ءُ کش ءُ گوراں پولیس ءُ پاکستانی پوجیانی سر ءَ بوتگیں ارشانی زمہ واری بلوچستان ءِ آجوئی لوٹوکیں سلاہ بندیں گَل ءَ منّ اِتگ آں، البتہ مرچگیں اے وئیل ءِ زمہ واری انگت ءَ ھچ وڑیں گل ءَ نہ منّ اِتگ۔
دومی نیمگ ءَ چہ کوھلو ءَ سر بیتگیں ھالانی ردءَ سلاہ بندیں مردمانی تیرگواری کُتگ ءُ یک مردمے بیران کُتگ۔
اھوالانی ردءَ تیرگواری ءِ وئیل ءَ بیران بوتگیں مردمے پجار عطر خان ءِ حاجی ناطہ یے نام ءَ بیتگ۔
پولیس ءِ گشگ اِنت کہ جون ءِ دست گِرگ ءَ پد ڈسڑکٹ ھیڈکوارٹر نادراھجاہ ءَ دیم دیگ بیتگ البتہ اے وئیل سوب داں انگت ءَ زانگ نہ بیتگ اَنت۔