بلوچستان ءِ اُستانی وزیر مواسلات عبدالرھمان کھیتران چہ شال ءَ ڈسٹرکٹ جیل ھدہ ءَ یل کنگ بیتگ اَنت – آئی ءِ یل کنگ ءِ ھکم گوستگیں روچ ءَ بارکھان ءِ آمیدگس ءَ یل کنگ بیتگ –
ھمے وھد ءَ جیل ءِ بنجاھی دروازگ ءَ رسانکدر ءُ کھیتران ءِ ٹک ءِ مردمانی بازیں کچے ءَ جاڑیگ بیتگ اَنت بلے جیل ءِ انتزامیہ ءَ جیل پشت ءِ دروازگ ءَ درکنگ ءَ پد مھکمیں جاھے ءَ برتگ –
بارکھان ءِ وئیل ءِ بھتام ءَ دزگیر کنگ بیتگیں اُستانی وزیر شمبے ءِ روچ ءَ جیل ءَ یل کنگ بیتگ، عبدالرھمان کھیتران بیست ءُ دو فروری ءَ پولیس ءَ دزگیر کتگ ات-
عبدالرھمان کھیتران ءِ سر ءَ ھان مھمد مری ءَ بارکھان ءَ یک زالبولے ءَ ھوار سَے مردمانی کوش ءِ بھتام جتگ بیتگ چریشی ءِ سر ءَ بارکھان آمیدگس ءَ گوستگیں روچ ءَ دزبندی زمانت ءِ سر ءَ دَہ لک ءِ ایر کنگ ءِ زور ءَ من اتگ-
اُستانی وزیر ءِ سر ءَ کوھلو ءِ جھمنندیں ھان مھمد مری ءَ عتی دو زھگانی کوش ءِ بھتام جتگ ات کہ چریشی ءِ ھلاپ ءَ شال ءَ دزکپتگیں لاشانی ھمراھی ءَ چار روچ ءَ داں زھرشانی نندانک دیگ بیتگ ات پد ءَ ھان مھمد مری ءِ کھول، جنکیں زھگ ءُ دگہ زھگ یل کنگ ءُ شال ءَ آرگ بیتگ اَنت-
بارکھان ءَ چات ءَ دزکپتیں دو لاشانی پجار بیتگ ءُ یک زالبولے ءِ پجار نہ بیتگ ات-