سعودی عرب مئے دزبندی ءِ شرپ ءَ بہ کنت حج ءِ زراں کمتر بہ کنت- نیکراھی گر ءُ دار کنوکیں وزیر

پاکستان ءِ وفاقی وزیر مذھبی امور مفتی عبدالشکور ءَ گوشتگ کہ کابینہ ءَ ھج ءِ پالیسی سال ھزار ءُ بیست ءُ سَے ءِ منگ نامہ داتگ-

اردو نیوز ءِ رد ءَ آدینگ ءِ روچ ءَ اسلام آباد ءَ پریس کانفرنس کنان ءَ وفاقی وزیر ءَ گوشتگ کہ سرکاری ھج کنوک ھما کساس ءَ ھج ءِ واستا زر گر اَنت ھمینکس آیانی سر ءَ ھرچ ءُ درچ بیت اِنت-

مفتی عبدالشکور ءَ گوشتگ کہ سرکاری ھج ءِ پیکج ءِ سَے پھنات اَنت کہ آئی ءِ بنکی ھچ گشینگ بنت – 1 سعودی سرکار ءِ ھرچ، 2: کارگس ءَ ھج کنوک ءِ ھرچ کہ سعودی ءَ جھمنندی، ورگ، ٹرانسپورٹ ءُ دگہ بازیں ھرچ ھوار اَنت- 3: وزارت پاکستان ءِ کتگیں ھرچ چوشکہ جھاز ءِ باڑو، ویکسن، درمان ءُ ھج ءَ نگھداروک ءِ فنڈ دگہ دگہ چیز ھوار اَنت-

آئی ءَ گوشتگ کہ گوستگیں سال ءَ سعودی وزیر ءَ ھج ءُ عمرہ ءِ سر ءَ منی دزبندی زرتگ ءُ ھج ءِ زرانی توک ءَ کمو کمی آورتگ – چریشی ءَ مئے مردماں خادمین شریفین ءُ ولی عھد شھزادہ مھمد بن سلمان ءِ منت گپتگ اَنت-

وفاقی وزیر ءَ گوشتگ کہ پاکستان ءِ زر ءِ جھل کپگ ءَ ھج ءِ پیکج ءِ سر ءَ بازیں اسر کپتگ اَنت چوشکہ سَے لک ئیگ اِنت آئی ءَ گوشتگ ھمے سال ءَ.ما مزدلفہ ءُ عرفات ءَ ٹرین ءِ گرگ ءَ سوبمند بیتگ اِنت –

گوستگیں سال ءَ سعودی عرب ءَ بازیں مردمانی ھج کنائینتگ انت ما تلبگاری ءُ کم نھادی ءَ سوبمند بیتگ اِنت اے سال ءَ ھم درستیں ڈیھ وتی پوڑی ءِ توک ءَ ھج کنوکاں سعودی ءَ راہ دیگ ءَ اَنت-

مفتی عبدالشکور ءَ گوشتگ کہ اورسیز پاکستانی کہ درملکاں نشتگیں پاکستانیاں پاکستان ءَ نندوکیں مردماں چہ کمتر ءَ کپ ایت امسال سرکاری ھج ءِ اسکیم ءِ ھرچاں دگہ ڈیھ چوشکہ انڈیا، بنگلہ دیش ءُ اوگانستان ءَ چہ کم اِنت –

آئی ءَ گوشتگ کہ اے سال ءَ زر ءَ ھما کپ پاکستانیاں سپانسر شپ ھج ءِ اسکیم ھج ھم پیش کنگ بیت اِنت اے اسکیم ءِ سبب ءَ نود ءَ چار ملین ڈالر ءِ رھبندانی امیت اِنت-

وفاقی وزیر ءَ گوشتگ کہ ھج سال دوھزار ءُ بیست ءُ سَے ءَ ملکی کوٹہ یک لک ءُ ھپتاد ءُ نُھ ھزار ءُ دو سد ءُ دَہ مردم نامینگ بیتگ اَنت-