کوھلو ءَ پوجی بیڑ، دمگی مردمانی دزگیری ءِ ھال

کوھلو ءَ پوج ءِ بیڑ، شار مردمانی دزگیر کنگ ءِ ھال ءُ ھمے وڑ پوج داں انگت ءَ دمگ ءَ جاڑیگ اِنت-

بلوچستان ءِ دمگ کوھلو ءِ ھند جنتلی ءَ اتکگیں اھوالانی رد ءَ سر بیتگیں ھالانی رد ءَ جتا جتائیں جاھاں ھیلی کاپٹرانی زور ءَ پاکستانی پوج ءِ کارندھاں ایرگپتگ ءُ بیڑ برجاہ داشتگ-

دمگی مردمانی گوشگ اِنت دمگ ءَ کوچگ کوچگ ءَ پوجی کارندہ بازیں کچے ءَ سر بیتگ اَنت ءُ اود ءَ لوگ لوگاں پٹ ءُ پول کنگ ءَ اَنت-

دمگی مردمانی ءَ جنتلی ءِ ھند جمال،ھان زئی ءَ پوج ءَ لوگ ءَ پَٹ ءُ پول کتگ ءُ اود ءَ بشکیا خان ء مھران، مغل ء درا، موران ء درا ءَ ھوار چار مردن دزگیر کتگ ءُ گون وت برتگ اَنت ءُ چریشی ءَ پد آیانی درگت ءَ ھچ ھال نیست اِنت –

دمگی مردمانی رد ءَ پوجی کارندھاں لوگ لوگ ءَ پٹ ءُ پول ءِ وھد ءَ گوشتگ کہ اُستانی سرکار ءِ گوشگ ءَ اے بیڑ برجاہ بیتگ-

بلے داں انگت ءَ واکدارانی نیمگ ءَ ھچ چوشین ھال دیم ءَ نیتکگ اَنت-