الجزائر: نمیرانیں سرانی ھوناں چہ سیراپیں زمین ءِ نیمگ ءَ ھرکس ءَ دست شاھورت گڑا شر نہ بیت اِنت

الجزائر ءِ نیمگ ءَ چہ ملک ءِ زمیناں لھتے بھراں مراکش ءِ نکشہ ءِ سر ءَ زاھر کنگ ءِ بگیری ءَ ربات واکدارانی بگیری ءَ زھر درشانی کنگ بوتگ –

الجزائر ءَ ملک ءِ زمین ءِ لھتے بھراں مراکش ءِ نکشہ ءِ تہ ءَ پیش دارگ ءِ سر ءَ ربات ءِ واکدار ترندی ءَ گوں ایرجتگ انت –

الجزائر ءِ سرکاری رسانکدر اے پی ایس ءَ مراکش ءِ شاھی ھاکمانی پلامرزیں رسانک ءِ نام زاھر نہ کتگ ” نمیرانیں سرانی ھوناں سیراپیں زمین ءِ یک ٹُکرے نیمگ ءَ کسے ءَ دست شھارت شر نہ بیت ” بنگپ ءِ سر ءَ زھرشانی نوشتانک ءِ شنگ کتگ –

نوشتانک ءِ تہ ءَ نبشتہ کنگ بوتگ کہ مراکش ءِ شاھی سرکار مھلوک ءِ دلگوش ءَ چہ گرانھادی ءِ سر ءَ دور کنگ ءِ کوشست ءَ انت ءُ اشی ءِ ھاتر ءَ چہ سرکار ءِ پلامرزیں رسانکدراں الجزائر ءِ بگیری ءَ آسگالیں مواد شنگ کنائینگ بوگ ءَ انت –

نوشتانک ءِ تہ ءَ نبشتہ کنگ بوتگ چہ رسانکدراں شنگ کنگ بوتگیں مواد چہ اھوالکاری ءِ زانت ءَ زبھر انت – الجزائر ءِ نمیرانی سرانی ھوناں سیراپیں زمین ءَ مراکش ءِ شھنشاہ ءِ بھر کنگ ءُ پیش دارگ مراکش ءِ ھُنر ھیلھانی شوربندی ءِ درچ اِنت-

نوشتانک ءِ تہ ءَ مراکش ءِ شاھی کاگدانی ڈائریکٹر بھیجہ سیمو ءِ ھمے زوتاں وتگڑیں ٹاپارانی درگت ءَ گوشگ بوتگ کہ الجزائر ءِ بگیری ءَ اے سیاھیں دروگ بندوک چہ مراکش ءِ شاھی سرکار ءَ ھکم زورگ ءَ انت –

نوشتانک ءِ تہ ءَ گوشگ بوتگ کہ مراکش ءِ اے ھُنر ھیلا ناکہ پہ براتی ءُ ناکہ گوستانکی درگت ءَ جائز انت – رباط واکدارانی اے نادراھی ءَ المغرب ءِ تہ ءَ بوؤکیں “اتحاد اخوت “ءِ جھد ءُ کوشستانی درسیں راھانی دیم ءَ اڑاند پیداک کتگ –

دیمتر ءَ گوشگ بوتگ مراکش ءَ تھنا الجزائر یا ایندگہ المغرب ءِ زمینانی سر ءَ ناں بلکیں زلم ءُ زوراکیاں چہ رک اِتگیں بازیں افریقی ڈیھانی سر ءَ وتی چم سک کُتگ انت – مراکشی رھبند ءِ تہ ءَ ” راستیگیں سیمسر ” شک ءِ ٹارگٹ ھمساھگیں ڈیھانی زمین ءِ سر ءَ کبزہ کنگ انت –

نوشتانک ءِ تہ ءَ گوشگ بوتگ کہ مراکش ءَ روکپتی ریگستان ءِ سر ءَ کبزہ کتگ، وتی ھنر ءُ ھیلھیں شوربندیانی سوب ءَ موریتانیہ ءِ آجوئی تاں گڈی ءَ منّ اِتگ ءُ پد ءَ 1963 ءَالجزائر ءِ بگیری ءَ جنگ رمال بندات کتگ سرڈگار ءِ سر ءَ کبزہ کنگ ءِ جھد کتگ – ربات ءِ واکدار روچ مروچی گنوکی کاروائی کنگ ءَ انت ءُ ملک ءِ تھی بےچینی ءُ گڑ ءُ مونجی ءِ ھیال ءِ سوب ءَ راج ءِ دلگوش ءَ دگہ نیمگے ترینگ ءَ انت –

دیمتر ءَ گوشگ بوتگ کہ اے اُرشانی راستی ھرچی بہ بیت الجزائر، مراکش ءِ دیریگیں دژمنی ءَ شری ءَ زانت ءُسرپد انت – ھزاراں جانانی دیمھونی داتگ ءُ آجوئی گپتگ مئے زمین ءِ نیمگ ءَ ھرکس ءَ دست شھارت شر نہ بیت –