یک لوگے ءَ گیس ءِ لیک بوگ ءِ سبب ءَ تراک ءَ یکیں کھول ءِ شش مردم بیران ءُ چار زدگ بیتگ اَنت-
گیشیں ھالانی رد ءَ شال ءِ دمگ سر کلاں ءَ یک لوگے ءَ گیس تراک بوتگ-
تراک ءِ سبب ءَ لوگ ءِ چھت کپتگ ءُ شش مردم بیران بیتگ اَنت ءُ چار زدگ بیتگ اُنت، بیران بیتگینانی تہ ءَ دو زالبول ءُ چار زھگ ھوار اَنت-
دیوال ءِ چیر ءَ پنچ مردم ستکگ ءُ بیران بیتگ اَنت- بیران بیتگیں مردمانی سیادی یکیں کھول ءَ اِنت-
ریسکیو ءِ رد ءَ زدگ بیتگیں مردم نادراہ جاہ ءَ برگ بیتگ اَنت ءُ اود ءَ زدگ بیتگیں مردمانی جاور ناگیگ گوشگ بوگ ءَ اِنت-
تراک ءَ لوگ سرجم ءَ تباہ بیتگ – پی ڈی ایم اے ءُ دگہ ریسکیو ءِ ٹیم بھر زورگ ءَ اَنت-