زاھدان: ایرانی چیریں ادارھانی دست ءَ یک مردمے بیگواہ

الم بوانیت

روکپتی بلوچستان ءَ ایرانی چیریں ادارھاں یک مردمے آوار جنگ ءَ پد بیگواہ کرتگ-

گیشیں ھالانی رد ءَ روکپتی بلوچستان ءِ بنجاھی شھر زاھدان ءَ ایرانی چیریں ادارھانی کارمنداں یک مردمے آوار جنگ ءَ پد بیگواہ کرتگ-

آوار جنگ بیتگیں مردم ءِ پجار محمود عالیزئی ء عبدالغفور جھمنند شندگ اسلام آباد زاھدان ءِ نام ءَ زانگ بیتگ-

ھالانی تہ ءَ گوشگ بیتگ کہ محمود گوستگیں زھرشانی ءِ وھد ءَ گرگ بیتگ ءُ آئی ءِ آوار جنی ءِ ھال گوستگین روچ ءَ پدر بیتگ-

زانگ بہ بیت روکپتی بلوچستان ءَ مردمانی آوار جنگ ءُ بیگواہ ءِ کنگ یک درچے بندات بیتگ کہ اے روچ پہ روچ گیشی ءِ توک ءَ گندگ ءَ ایگ اِنت-

سیاسی ءُ نیکراھی پھناتانی گوشگ اِنت اگاں اے جاور ودی بیت اَنت گڑا اود ءَ اے گمان پدر بیت اِنت ڈیھ ءں جاور گیش ناوشی ءَ شت کن اَنت-

نوکتریں